عضو أساسي
تاريخ التسجيل: Dec 2012
الدولة: المانيا
المشاركات: 1,246
شكراً: 2,054
تم شكره 8,628 مرة في 1,200 مشاركة

رد: صالة أسعار الدولار والذهب مقابل الليرة السورية ليوم الثلاثاء 15-10-2013
اقتباس:
المشاركة الأصلية كتبت بواسطة جوليت
يا اخ انس مو هون القصة , صار الموضوع صعب , وصارت خسائر العالم يلي عم تشتغل بالهلموضوع كبيرة وانا عندي بيانات لو بيسمح الامر لانشرها لحتى عقلك يطير من حجمها, انا لما بنقد مشاركة مو معناتا عم انقد شخص , يعني انا مو خسرانة شي , لاشهرة بدي ولا زيادة ارباح ناقصتني ولا شي من هادا ولا هدفي وجه حدا باتجاه معين , انا وصلت مع الامر صرت حط توقعات بالضبط لسعر الصرف غدا وزبطت بكتير من الاحيان , انت بالسوق وبتعرف انو المتغيرات ممكن تتغير باللحظة ., وعفكرة تحليلك ممتاز , ولكن اذا ماانعرف ايمتا كل مرحلة من النقاط يلي تفضلت فيها حضرتك تبدأ وايمتا بتنتهي , بضع اشخاص رح يستفادو من الموضوع يلي ذكرتو لانو مارح يلحق يتصرف , والباقي رح يتكبد خسائر
|
لا عادي بحب تكون المناقشة هادفة والشاركة مفيدة ...انا حطيت مسار وتحليل ومافينا نربطه بساعات وايام محدده بس فينا نحطه كمسار نمشي عليه لحين تحقيق الهدف ...واذا حطيت ايام وساعات محدده بتصير توقعات والتوقع لا يغني ولا يسمن من جوع اذا ما ارفق ببيانات وكتبتي بمشاركتك قبل ما تعدليها انو بكرى بعد العيد وعليكن خير وانو ما منعرف حركة السوق والمركزي وكلامك قبل التعديل بذكرني بميالة وقدري جميل اللعب على الحالة النفسية ...اذا عندك ارقام ومعطيات عن قدرة المركزي تفضلي زودينا فيها بس انا عندي ارقام اذا ذكرتها عقلك مو بس رح يطير وعيونك يمكن تطلع لبرى ...الك خبر انو ارباح شركة الهرم بحماة يوميا 4 مليون ويوميا بتم قلبها بشكل فوري ويوميا بحاجة 20 الف دولار واكيد بيقلبهم وبنام عليهم ....الك خبر انو شركة الاهلية للزيوت والنقل ارباحها يوميا بمعدل 3.5 مليون وبتم قلبها يوميا لدولار وعشرات الشركات ما رح فصلها تفصيل ...الك خبر انو محصول سوريا من فستق حلبي وزيتون وشوندر وقمح الاف المليارات وجميعها يقلب لدولار وبمعدل وسطي 3 الى 4 مليون دولار يوميا ...الك خبر انو من استيراد الموبايلات فقط بيحتاج يوميا المستوردين مليون دولار عالاقل ...الك خبر من استيراد الدخان يوميا بيحتاج المستوردين مليون دولار عالاقل ...الك خبر ارباح العقارات يوميا عما تتحول لدولار وخصوصا يلي عنده كذا عقار عما يبيع ويقلب وما عما يرجع يشتري عقار ... وثمن حق عقار بالمالكي او مزة او الصالحية مليون دولار عالاقل ...شو بدي عد لعد ...بس يلي بدي الك ياه كانت سوريا بحاجة من 15 الى 20 مليون دولار يوميا للحفاظ على سعر الصرف وهادا الشي لمسناه بالسنة الاولى من الازمة وحسن يحافظ على سعر الصرف وشفنا ارتفاع بسيط ومعقول وبالسنة الثانية بدات احتياطاته بالنفاذ وبدأ يفقد سيطرته على الحفاظ على سعر الصرف وشفنا قفزات للدولار ,,,وبالسنة الثالثة تحول المركزي لمضارب بالسوق للحفاظ على قيمة فعليه لليرة بعد ان لاح بالافق انهيارها خصوصا لما وصل سعر الصرف 325 ...اذا عندك معطيات تانية وبيانات عن قدرة المركزي واحتياطاته تفضلي اكتبيها
__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا