الأسهم السورية ( المضارب السوري) - عرض مشاركة واحدة - صالة أسعار صرف الدولار والذهب مقابل الليرة 2-10-2013

02-10-2013, 11:33 PM

#250

salkiny

عضو مشارك

تاريخ التسجيل: Aug 2013

الدولة: ريف ادلب

المشاركات: 347

شكراً: 1,799

تم شكره 1,771 مرة في 345 مشاركة

رد: صالة أسعار صرف الدولار والذهب مقابل الليرة 2-10-2013

اقتباس:

المشاركة الأصلية كتبت بواسطة انس بكور

الى اعضاء سيريا ستوكس وللمشرفين وللاستاذ رامي احلى مسا ,,, مضطر اترك المنتدى لمدة اشهر وغالبا لمطلع الربيع القادم مع انو بعز علي فراقكم كتير بس للضرورات احكام فبتمنى من الكل يدعيلي دعوة صادقة وحدة من كل قلبه انو الله يبعد عني اي شر او سوء ....واذا الله كتب لي عمر للربيع القادم رح كون معكم بمشروع متكامل بعود بالمنفعة عالكل وبينهي اي نوع من انواع المضاربه على الليرة السورية ومابيحتاج الا لراس مال بسيط كتير بيمتلكه اي شخص سواء فقير او غني .. وشوية تعليمات وتحليلات والكل رح يطلع مستفيد باذن الله طبعا بعد اذن الاخ رامي ورح يكون هو مدير المشروع والمشرفين رح يكونوا مشرفين عالمشروع ورح يحقق المشروع مو بس الفايدة للناس يلي رح تدخل فيه رح تحقق فايدة لرواد وزوار الموقع .....وسامحوني عالقرار المفاجىء بس انا اليوم العصر حتى فكرت اخده ....بتمنى للجميع الاخ رامي ومؤيد وغسان والياطر واسامة وايمن وهاني باشا ولقمان وغولد مان والمضارب الحسكاوي وشيرين وعابر مجيب ودناميك والليرة السورية وجوليت وباسل

ومروان 3 ومروان 2 ومروان 1

واحمد الاحمد هي كل الاسماء يلي بتذكرها ومحفوره حفر بذاكرتي بس في اسم عما حاول اتذكره عما انسى اها ابراهيم الطاهر big grin مو هيك كان اسمه

بس بمزح معكم والله الكل بمقام رامي والشباب الطيبة ...اه منكم نسينا مجد الغالي والاخ سلقيني قرايبي بس بجد بدون عتب الكل غالي كتير بس عتب على الذاكرة

اخيرا بتمنى للجميع انو يبقوا بالدرجة الاولى سالمين غانمين وبالدرجة التانية عايشين عيشه حلوة ومبسوطين .... وبالنسبة لسؤال الجميع عن صورتي فمزحت مع الكل لما قلت هي صورة اختي المتوفي الحمد لله اخواتي كلهم بخير وعافية والصورة صورتي والاسم اسمي الحقيقي وماوراي اي حوت يسند ضهري ولا اي جهة امنية بس وراي رب العباد يلي لو اجتمعت الناس كلها على ان ينفعوني بشيء لن ينفعوني بشيء الا قد كتبه الله لي ولو اجتمعت على ان يضروني بشيء لي يضروني بشيء الا قد كتبه الله علي ....وداعا وديروا بالكم على حالكم والاهم لاتفلسوا عالاخير خلوا معكم كم متليك منشان اذا قررنا اطلاق مشروعنا ويلي رح يكون اول مشروع بكل سوريا والشرق الاوسط ,,,السلام عليكم

لا ادري ما هي ظروفك والاسباب الي دفعتك لاتخاذ هالقرار
وهل بالامكان ثنيك عن مثل هالقرار ولكن كن متاكد انو مكانك رح يبقى بالقلب
اخ وقريب عزيز وغالي ننتظر عودتك بفارغ الصبر