الموضوع: صالة أسعار صرف الدولار والذهب مقابل الليرة 2-10-2013
عرض مشاركة واحدة
قديم 02-10-2013, 10:53 PM
  #227
AYMTAL
عضو متابع
 الصورة الرمزية AYMTAL
 
تاريخ التسجيل: Dec 2012
الدولة: سوريا
المشاركات: 396
شكراً: 5,908
تم شكره 2,660 مرة في 389 مشاركة
افتراضي رد: صالة أسعار صرف الدولار والذهب مقابل الليرة 2-10-2013
اقتباس:
المشاركة الأصلية كتبت بواسطة انس بكور مشاهدة المشاركة
الى اعضاء سيريا ستوكس وللمشرفين وللاستاذ رامي احلى مسا ,,, مضطر اترك المنتدى لمدة اشهر وغالبا لمطلع الربيع القادم مع انو بعز علي فراقكم كتير بس للضرورات احكام فبتمنى من الكل يدعيلي دعوة صادقة وحدة من كل قلبه انو الله يبعد عني اي شر او سوء ....واذا الله كتب لي عمر للربيع القادم رح كون معكم بمشروع متكامل بعود بالمنفعة عالكل وبينهي اي نوع من انواع المضاربه على الليرة السورية ومابيحتاج الا لراس مال بسيط كتير بيمتلكه اي شخص سواء فقير او غني .. وشوية تعليمات وتحليلات والكل رح يطلع مستفيد باذن الله طبعا بعد اذن الاخ رامي ورح يكون هو مدير المشروع والمشرفين رح يكونوا مشرفين عالمشروع ورح يحقق المشروع مو بس الفايدة للناس يلي رح تدخل فيه رح تحقق فايدة لرواد وزوار الموقع .....وسامحوني عالقرار المفاجىء بس انا اليوم العصر حتى فكرت اخده ....بتمنى للجميع الاخ رامي ومؤيد وغسان والياطر واسامة وايمن وهاني باشا ولقمان وغولد مان والمضارب الحسكاوي وشيرين وعابر مجيب ودناميك والليرة السورية وجوليت وباسل ومروان 3 ومروان 2 ومروان 1 واحمد الاحمد هي كل الاسماء يلي بتذكرها ومحفوره حفر بذاكرتي بس في اسم عما حاول اتذكره عما انسى اها ابراهيم الطاهر big grin مو هيك كان اسمه بس بمزح معكم والله الكل بمقام رامي والشباب الطيبة ...اه منكم نسينا مجد الغالي والاخ سلقيني قرايبي بس بجد بدون عتب الكل غالي كتير بس عتب على الذاكرة اخيرا بتمنى للجميع انو يبقوا بالدرجة الاولى سالمين غانمين وبالدرجة التانية عايشين عيشه حلوة ومبسوطين .... وبالنسبة لسؤال الجميع عن صورتي فمزحت مع الكل لما قلت هي صورة اختي المتوفي الحمد لله اخواتي كلهم بخير وعافية والصورة صورتي والاسم اسمي الحقيقي وماوراي اي حوت يسند ضهري ولا اي جهة امنية بس وراي رب العباد يلي لو اجتمعت الناس كلها على ان ينفعوني بشيء لن ينفعوني بشيء الا قد كتبه الله لي ولو اجتمعت على ان يضروني بشيء لي يضروني بشيء الا قد كتبه الله علي ....وداعا وديروا بالكم على حالكم والاهم لاتفلسوا عالاخير خلوا معكم كم متليك منشان اذا قررنا اطلاق مشروعنا ويلي رح يكون اول مشروع بكل سوريا والشرق الاوسط ,,,السلام عليكم
كيفك حبيبي أنس
شو ها القرار المفاجئ
عنجد منزعل عفراقك
بس مابنتمنالك الا التوفيق و النجاح
ما بتستاهل الا الخير
انت مثال الشب الحموي الحقيقي
الله يحفظك و يوفقك و ييسرلك و يباركلك و يرجعك سالم غانم
و مشان المشروع اكيد راح يكون ناجح لانو فكرتك
راح ندعيلك اكيد
و راح نستناك
__________________
أبو هادي
AYMTAL غير متواجد حالياً  
8 أعضاء قالوا شكراً لـ AYMTAL على المشاركة المفيدة:
BROKER (03-10-2013), dollar (03-10-2013), حمزة أبو أحمد (03-10-2013), خيرو الشامي (03-10-2013), Mad - 1011 (03-10-2013), Ryad (03-10-2013), salamx (02-10-2013), عابر مجيب (03-10-2013)