رد: صاله الدولار مقابل الليره السوريه ليوم السبت 21-9-2013
اقتباس:
المشاركة الأصلية كتبت بواسطة البحر الهائج
أنا بخالفك الرأي أخت شيرين بالنسبة لتوقعك لرخص السيارات؟
لأنو ارتفاع سعر السيارات لحد هلا ماأخد حقو بارتفاع الدولار
مثلا سيارتي ريو2011 اشتريتا ببداية الأزمة ب 775000
وهلا صارت ب1400000
مع العلم الدولار ارتفع أربع أضعاف بس السيارة يادوب صارت ضعفين
بقى اذا فتح الاستيراد وطبعا رح يكون الاستيراد بالدولار وهاد مثال صغير: لنفرض سعر السيارة كان 10ألاف دولار كان قديما 500 ألف ليرة والدولار هلا وعأقل تقدير وبالسعر الرسمي للمركزي حوالي 140
يعني بيضل تلت أضعاف السعر الماضي أي 10ألاف دولار تساوي مليون وخمسمية ألف
بقى كيف طلع معك انو رح ينخفض سعر السيارات؟؟؟؟
هاد برأيي الشخصي
|
يوم سعيد للجميع
اخي البحر الهائج انا شخصيا كمان اتوقع انخفاض سعر السيارات المستعملة في سوريا في الايام الجاية وخصوصا اذا استمرت الازمة
لانو اغلب الشعب فلس وما بدو يلاقي اكل وما عاد حدا يقدر على مصروف السيارة والكل بدو يبيع
وفي المرحلة الجاية اتوقع العالم ترجع للبسكليتات (دراجة عادية ) واتوقع العالم ترجع تستعمل العربات القديمة اللي كان يسحبها حصان او ابن عمو وكان زماناتو في عربات يسحبها الانسان مشان نقل الغراض كمان بدا ترجع
يعني اتوقع نرجع شي خمسين سنة ورا في مجال المواصلات وتقبل مروري وتحياتي لك وللجميع