عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيريا ستوكس للعطلات من 7 إلى 11 - آب - 2013
اقتباس:
المشاركة الأصلية كتبت بواسطة غسان
انا برأي اختيار مرسي من البدايه غير موفقه فشخصيته والكاريزما له لا تحقق مواصفات رئيس
كان عليهم ان يحسنوا الاختيار افضل من ذلك المشكله بطريقه اذاحتهم عن السلطه كانت معيبه
المتابع من خارج مصر لهم كان بين نظرتين الاولى اذا كان فيها بعض التعاطف معهم يقول انهم بلا خبره وكانوا طيبين لانهم لم يستخدموا اسلوب خصومهم الان فلم يغلقوا القنوات المغرضه ولم يحبسوا القيادات المعارضه ويدبروا لهم التهم الجاهزه ويوجهوا الرصاص لصدور الناس فانفلتت المسبحه من يديهم
والرأي الثاني انهم اقصوا الجميع ولم يستمعوا لاحد فخرجت الجموع مطالبه بانهاء الديكتاتور الذي تربع سنه كامله 365 يوم مرسي عالكرسي
وهي مده طويله جدا نسبه للمده التي جلس عليها من خلفه ولم يقل له احد على لهجتهم (تلت التلاته كام )
المهم معظم معارضيهم (تلككوا ) وطيروه
بالنسبه لي شخصيا ماحنيت على حدا بس كلمه الحق المختصره ان الانتخابات الحره جلبته والانتخابات تزيله مو دبابه الجيش
ولايهم ان كان الرئيس مرسي ولا البرادعي ولا البردعه بحد ذاتها .....
|
يسعد مساك ومساء المتابعين اللي مشارك واللي كسلان
لما قالوا لفرعون مين فرعنك ؟ ما قال الكاريزما
طبعا رأي شخصي
في ناس شكلهم مشراني ، وهاد بيخلي الناس تخاف منهم ، بس إذا ما بيدهم سلطة مدعومة ، ما حدا بيشتريهم بفرنك . بس مع السلطة بيقولوا عندهم كاريزما .
اللي شكلو طيوب ، ممكن الناس يتجرأوا عليه بس لما بينقرصوا وبيلاقوه ما معو لعبة ، بتصير الكاريزما عندهم إلها شكل مختلف .
الكاريزما شيء مكتسب لما بيكون الشخص هو الفاعل الحقيقي ( يعني مو يكون من الأصل أجدب )، وهي شيء من تمثيل ، وممكن نلاحظ الكاريزما عند الأطباء والقضاة والمحامين والضباط ، وبعد عدة سنوات من ممارسة المهنة ، تصبح جزء من الشخصية ، وبيكونوا في بداياتهم مزدرين وراكدين وراء الهوب هوب . يمكن أكتر مثال لهيك شي، فكرة بيرنارد شو في قصة بيجماليون ، أو سيدتي الجميلة ، والتي يظهر من خلالها أن الفرق بين الأميرة وبائعة الورد ،هو لقاء الناس لها وليس شيء طبيعي فيها .
كان عندي صديق بمصر ، يشتري كلاب دبرمان المرعبة ، وبعد كام يوم من حبسهم وحيدين في السطح ، هو كان يحبهم بس بيقرف وما بيخليهم بالبيت ، نعم كنا نرجع نشوف الكلب صدقا أذل من أرنب ، يستقبلنا مستوحش وذليل وبس بدو مين يشفق عليه ، صدقا كان ذيله يرتجف منخفضا وكان يوطي راسو متل اللي عم يسجد ويئن بدل النباح .جرب عده مرات بعدين مل .
بنرجع للنجاح
يتم ارسال مهندس إلى مشروع شديد الوعورة ، يعطى سيارة أقرب إلى الطنبر ، آليات شبه منسقة ، وبيجمعولو من الورشات اسوأ العمال .وبيقننوا عليه بالمحروقات وبشطبوا الاضافي من بطاقات عماله ! طبعا بيفشل لأنه ما بيفهم !
امعانا ببيان وجهة نظرهم ، يستبدلون المهندس بآخر
بدل البلدوزر تلاته ، وسيارة مكيفة ودفترين بانزين واحد قسائم 25 ليتر وواحد 40 ليتر ، صهريج ماء متفرغ ، آليات أكتر من الكشك وعالندهة ، بيحضر الميكانيكي والكهربائي ، أولوية عند لجنة المشتريات ، إضافي ومكافآت . وشوف ما أحلى المشروع !
بينتهي المشروع بآليات مكسرة ، مافي حساب لسوء الاستعمال ويغادر ومن بعده الطوفان ليصبح مديرا لفرع أو معاونا للمدير العام ، شو هالكاريزما يا بعدي !
حطوني مرة رئيس لجنة تقييم أعمال مهندس ، وكان من المغضوب عليهم ، قلتلهم من الناحية الجمالية ولا الانشائية ؟ قال من الجهتين ! مو ساقي البيتون ! عرفت القصد ( افتراء ) شو بيجيب الصهريج من بيت أهلو ؟!
وأول ما وصلت لقيت كتاب على مكتبه موجه لمدير الفرع ، جاء فيه :
السيد مدير الفرع يرجى لفت نظركم إلى حاجتنا .......ألخ
تخيلوا من مرؤوس لرئيس كاتب لفت نظر ! بينت .
صغر عقل من المدير . قلتلو حدا بيكتب هيك ؟ قلي ليش شو بينكتب ؟ قلتلو بتكتب بما معناه سيدي ومولاي ، مو هيك .
يا حرام مزق الكتاب وما كان عرفان ، هادا كان كل ذنبه . والله شب بينوزن بالذهب وشغيل ومتفاني .
بتعرفوني هههههههه
طالعتو متل الشعرة من العجين ، وعملتلو تقرير مديح ، زحلت عقل مدير الفرع وكرهني بعدها وحاربني .
قلي المدير معقول هالحكي ؟ قلتلو انا تقريري مكتوب وموقع بصريح اسمي ، ومسؤول عن كل كلمة .
لكان شو اللي مشردني لوصلت لمكتب السياحة ههههههههههههههه
معقول من قلة الكاريزما ؟!