رد: صالون سيريا ستوكس للعطلات من 7 إلى 11 - آب - 2013
نهاركم مبارك و سعيد
افكار كتيرة ببالي ... هيك انا متعود بفكر بالمناسبات
اول شي خطر ببالي انو انشالله تكون والدة الاخ رامي مع المفرج عنهم الله يفرج همه وهم كل انسان مظلوم .
تاني شي انه بليبيا كانت فاتورة الناتو اكبر من فاتورتنا ؟
و تالت شي قرات مشاركة الاستاذ عابر عن الاعلام و تذكرت حلقة لباسم يوسف عن الاعلام جميلة, باتمنى تحضروها على النت كان عنده برنامج قبل التلفزيون اسمه b+ صور بالميدان و حط نهفات عن سبق اعلامي على بعض القنوات .
و اخر شي تمنيت مبارح انو لو رب العالمين حقق من الاول لكل الناس امانيهم كنا ارتحنا كلنا يعني يلي بدهم حدا يوهبهم ياه و يتعايشوا معه و يلي بدهم امارات الله يوهبهم هالامارات و يلي بدهم مجتمعات مدنية ياخدوها ما كنا عيدنا مبسوطين اكتر و بفاتورة وطنية ارخص و بحقد اقل و بوعي اكبر .
اسف عالنكد و كل عام و كل يوم تبقوا بالف خير بوطن عزيز و غالي و انتوا غاليين عليه ..