الأسهم السورية ( المضارب السوري) - عرض مشاركة واحدة - الملاح الأمريكي الأسود رونالد ماكنير ..

31-07-2013, 06:20 PM

Sana

عضو مشارك

تاريخ التسجيل: Apr 2013

الدولة: USA

المشاركات: 271

شكراً: 958

تم شكره 1,752 مرة في 271 مشاركة

رد: الملاح الأمريكي الأسود رونالد ماكنير ..

اهلا فيك
انا الحمد لله تمام ...
تسلم .. كلك ذوق ^_^

أكيد صح كلامك ... و لذلك هيك شخص بنعتبرو مثال للقوة و الإصرار ... يلي المفروض نقتدي فيه بـ حياتنا عموما ...
كتير صعب حدا يعيش بـ جو و بيئة ... يكون منبوذ فيها لهالدرجة الكبيرة ...!!
و رغم هيك يستمر ... لاء مو بس يستمر ...
و يتميّز و يبدع كمان ....!
مو اي حدا ممكن يمتلك متل هيك قوة و متل هيك تحدي .....

بالنسبة للعنصرية عموما .. بعتقد هي موجودة بـ كل مكان " مع اختلاف النسبة أكييد " ....
بتذكر ايام المدرسة " بـ سوريا طبعا " .. كان عندي رفيقة اصلها من السودان ...
كانت كتير تعاني من نظرات الناس و تعاملهم معها ...!
جوات المدرسة كان معظم الطلاب يتعاملوا معها بـ فوقية ...
و حتى المدرّسين و المدرّسات يلي هنن على اساس " مربيّي الأجيال " ...
كانوا يتعاملوا معها بـ طريقة أقل بـ كتير من غيرها ...!
ناهيك عن الكلام الجارح و القاسي يلي كان ممكن تسمعو بـ الشارع أحيانا !!

فـ لما بنشوف هيك نماذج بـ المجتمعات العربية ... يمكن لازم يخف استغرابنا او استنكارنا عموما ...
من العنصرية الموجودة بـ دول الغرب " حتى و ان كانت بـ نسب مرتفعة اكتر بـ كتير " ...
بس ع الاقل هنن المفروض ما بيمتلكوا المبادئ و القيم الروحانية و الأخلاقية و الدينية ...
يلي نحنا بنمتلكها كـ عرب ..!

مع التأكيد طبعا انو ما فينا نطلق احكام مطلقة ... المقياس دايما هو الشخص بـ حد ذاتو ...
بتختلف نزعة العنصرية بين شخص و التاني ... تبعا لـ عوامل كتير !

اعذرني ع الإطالة