رد: صالون سيرياستوكس للعطلات(25-26-27-28)-تموز- 2013
اقتباس:
المشاركة الأصلية كتبت بواسطة غسان
الجزيرة والعربية مثال صارخ للاعلام المنحاز اكثر من الاعلام الرسمي للدول
لنتأكد عدم وجود الحيادية الا في الاحلام ....
الان العربية......عشرات الالاف في مختلف الميادين تلبية لدعوة السيسي
الان الجزيرة ......قوات الامن تنتشر بعد تفريق مؤيدي مرسي بالقوة
|
الإعلام بـ شكل عام موجّه ....
فعليا كل قناة ( رسمية أو غير رسمية ) عم تسعى بـ الدرجة الاولى لخدمة مصالحها و توجهاتها ...
لذلك بتلاقي كل قناة بتركز على نقل جزء معين من الحقيقة ( و هو الجزء يلي بيناسبها ) ...
و بـ بعض الأحيان حتى هاد الجزء ... بتعدل عليه كرمال يصير مناسب الها مية بـ المية ....!
اما الشعارات الرنانة تبع ( المصداقية و الشفافية و وووو ... )
فـ بصراحة هنن شعارات بـ الهوا ... ليس إلّا ...!!
طبعا بتختلف نسبة الكذب و التحريف بين قناة و التانية ...
في كذب ع الخفيف ... و في كذب ع المكشوف كتير .. لـ درجة الاستخفاف بـ عقل المُتلقي ...!
و بصراحة بعتقد المشكلة الحقيقية ...
لما بيتبنى شخص ما ... قناة معينة بـ كل ما فيها " من اخبار و تحليلات و وجهات نظر وووو " ..
و بـ شكل غير قابل للنقاش ...!
بيكون ولاءه للقناة غريب جدا ... حتى لو كانت على غلط (بغض النظر عن نسبة الغلط ) ...!
المشكلة عموما ... لما بيكون ولاءنا لـ مؤسسات معينة ( إعلامية أو غير إعلامية ) ...
على حساب ولاءنا للمبادئ و القيم و الأهداف ... يلي انوجدت هالمؤسسات أصلا لتحقيقها ....!!