عضو أساسي
تاريخ التسجيل: Feb 2012
الدولة: دمشق
المشاركات: 2,622
شكراً: 11,259
تم شكره 10,419 مرة في 2,584 مشاركة
رد: صالة أسعار صرف الدولار وباقي العملات ليوم الاحد 21-7-2013
اقتباس:
المشاركة الأصلية كتبت بواسطة seraj
|
السلام عليكم
يسعد أوقاتك أخ
( تم تصحيح الأسم من ساجد الى سيراج والعتب على النظر والتنين خير وبركة عذرا )
وأحيك بالمناسبة على أخلاقك العالية وأسلوبك الراقي حتى بالتلميح 
مبارح أنا حكمت بسرعة على الأمور من أواخرها بدون مادقق بالتفاصيل لكن لساني عند رأيي بخصوص تركها تكتوب بحرية وكل مين عقله برأسه ..
بس الحقيقة بعد ما سكرت شافتني أم حسن مئروء ومو على بعضي سألتني شو القصة قلتلها كذا كذا وهيك حدث معي بالموقع العزيز على قلبي ويمكن عكيت وبدال ما كحلها عميتها وفي ناس فهموني غلط .. قامت راجعت كل مداخلات الست جوليت
وقالتلي فين كانت لما كان الدولار بالعالي والناس نازلين ركض وراء الشراء وهلاء مداخلاتها معبية الصفحات ؟؟؟؟ على الأقل كان قسم من الناس تخوفوا شوي وطلعوا بأقل الخسائر ..
واحد من هدول الناس هو أبوها الطفران باعتينلو أخوته من أمريكا 300 دولار التقبيض هنيك والتسليم هون ولو صرفهم بالوقت يلي وصل فيه لل 300 كان قبضهم 90000 بالمقابل باعهن تحت الميتين أخيرا وهو من المتابعين للموقع بالمناسبة .. بلا طول سيرة قالت يمكن هلاء اذا رد طلع الدولار ما عاد تشوف وجهها وتطلع لحالك بسواد الوجه ولأول مرة بحياتي بقلها معك حق
بالمختصر الوقت عصيب وكل كلمة محسوبة على قائلها ويمكن تسبب ضرر لغيره اذا مو عن خبرة ومعرفة خصوصا انو في ناس ما بتفهم بالدولار ولا بحياتهم مساكينه هلاء صار يشتغلوا فيه ويسألوا أهل الخبرة أو يتنورو من المواقع الاقتصادية وأنا مع الأخ عمر 64 على الفكرة يلي ذكرها بأخر مشاركة .
وسامحونا
__________________
لطف حديثك فالنفوس مريضة
ومن الكلام محنن ومجنن
التعديل الأخير تم بواسطة najm ; 21-07-2013 الساعة 07:13 PM