مشرف
تاريخ التسجيل: Jun 2010
الدولة: دمشق
المشاركات: 6,194
شكراً: 23,193
تم شكره 22,349 مرة في 4,677 مشاركة
رد: صالة أسعار صرف الدولار وباقي العملات ليوم السبت 20-7-2013
اقتباس:
المشاركة الأصلية كتبت بواسطة engshaam
وأنا عم شوف السعر شوي شوي عم يطلع
خطرت ببالي أصة
أو هوي بالأحرى شعور
شعور المريض بمرض خبيث أو مزمن او مالو علاج
بيمر علي كتير فترات بين رفض لمرضو
وبعدين تعاسة
يتخللها تفاؤول هوي ويلي حولي
وبالاخر هوي بيفوت بالتعاسة
بس يلي حولي وبالرغم من هجمات التعاسة يلي بيتمروء عليهون
بيتخللا فترات تفاؤول وبحث عن علاج جديد أو سحري أو متطور
وبالاخر أغلب الأصص بتنتهي بأنو مافي علاج
المريض أخر فترة بيعرف إنو مافي علاج ولا أمل حتى
بس هلأ فهمت شو بيحس لما يشوف بعيون يلي بيحبو انو عن جد مافي علاج
أكيد الشعور مو فرح لأنو رأيو يلي طلع صح
حزن ممزوج بمرارة وتسليم لرب العالمين
أنا والله مالي مضارب
أنا زلمة خسرت بيتي
بيت أهلي
بيت أهل زوجتي
مدخر لما تبقى معي صح
بس ما بيهمني ازا طلع السعر أو نزل
ما بيهمني لأنو همي متل هم كتير ناس أكبر من ربح 6 أضعاف أو 4 أضعاف متل ما ألت أخت كريمة ألنا
أسف أخي مؤيد لأنو أنا متلك مابحب المشاحنات
وأصلا ماعاد إلنا ألب للمشاحنات
بس بالفعل متل ماعم يحكي أخي عابر مجيب يلي ببصملو بالعشرة إنو كلامو صح
وإنو شايف الصورة صح
بس بحب إلو شي يمكن هوي ما عم يحب يحكي بمداخلاتو وأنا متأكد إنو بيعرفو بس مو حابب يزكرو
كفاية الصورة ولتكون كاملة
إنو بيوتنا نخربت
تهدمت
زكريات
وشقى عمر
الله بيعوض
ست جولييت (وهي ياء زيادة ليزبط الاسم)ازا عم تؤولي عنا خونة وتجار ووووووووووو
فإنتي غلطانة
أنا من ناحيتي مبلغ صغير يلي معي $
لك ازا بيصير شو ماصار وأد ماربحت مارح تتعوض خسارتي وخسارة أهلي وأهل حارتي وجيراني ورفئاتي
وبنفس الوئت أد ما خسرت مارح تفرء معي لأني خسرت كتير وكتير وكتير
وصفيت نازح ببلدي
ومشرد
ومشتاء لبيتي وحارتي وأنا لسا هون
لهيك يا ستنا أنا مدخر ولمبلغ صغير وما بئبل حدا لا يخوني ولا يزاود علي
ولكبارنا بالمنتدى كمان مرة عتبي كبير
لأنو هي تاني مرة بتاخدي العبرة متل ما بيؤولو وبحكي يلي بألبي
لأنو مليت وتعبت متل كتير عالم من المزاودات
وهادا بيئلي انتا ضد الوطن وهوي مع الوطن
[/center] |
شكرا لك
كلامك بيوجع لانو طالع من القلب وفوقاني
احيانا بنغرق بالتفاصيل وبننسى اللوحة يلي نحنا فيها
متل سكان بناية عم تنحرء وطلبو اجتماع لجنة البناء فورا لان السكان يتعاركون ويختلفون حول سبب الحريق هل هو ماس كهربا او تسرب غاز
( الاجتماع الساعة الثانية ظهرا يوم الجمعة والمكان على انقاض البناء )
(( يرجى من الجميع الحضور وخصوصا ان الجمعة يوم عطلة ولا يوجد عمل ))
يرجى هذه المرة التواجد وخاصة ان من يلتزم بالحضور عادة هو المحاسب وامين السر ورئيس الجمعية ....والناطور