يسعد اوقاتك زميل عابر .. ما بعرف كأنو وقت بتحكي وبتحط حدا بيبالك بتفرمو فرم !!! Big grin بجوز بتدايق انو في الون اتباع ويكونو مغشوشين بشخصيات مو حقيقية بحب قلك شي بسيط .. بغض النظر عن اي داعية او انسان "امتهن" الدين ما كان حقيقي متدين ، الاتباع وقت بيصدقو شخص بيكونو هنن نفسون حقيقيين وتفاعلون حقيقي ونيتون صافية والله مع الوقت بيدلون عالصح حسب نيتون .. فوقت شخص ولو كان فرضا مو صادق او منافق متل ما حبيت تسميه بس عم يقول اشياء حقيقية بتمسني انا كانسانة اشياء من الاخلاق اشياء ايجابية شو المشكلة متل اذا انت نصحتني فرضا بطل دخان وحكيتلي عن فوائد التفاح وانا على حبتي تركت التدخين وصرت اكل تفاح بينما انت بتضحك بسرك بدخن ولا بتاكل تفاح ولا من يحزنون .. وين المشكلة !!! يا اخي عم يسترزق فرضا من الناس ما هنن الناس ذات نفسون سعداء ! معلش دوختك معي بس اوقات الاصرار على الوعي الزايد بياخد شكل جماعة الامر بالمعروف والنهي عن المنكر ، كل انسان حر كيف بيفكر وكيف بيشوف وبالنهاية الو الله يحاسبو هي عن الدعاة اما الاتباع عندون عقل وبيتحاسبو عليه انت شو دخلك :stickouttongue