اقتباس:
المشاركة الأصلية كتبت بواسطة omar1964
صباح الخير
بين 3 نيسان 2013 و 3 تموز 2013 / 90 / يوم
ارتفع خلالها سعر الدولار مقابل الليرة حوالي 100 ل س
يعني 83 % نسبة الارتفاع
مبارح بعت بضاعة شاريها بأول نيسان و ربحت منيح 50%
بس ضليت خسران 33 %
كتار قالو لي و انا عم اشتري وقف الشغل و بدل ع الدولار اربح من الشغل و العذاب و المخاطرة
بس ما كنت اقنع ..
كنت مفتكر انو الحكومة رح تقدر تثبت شوي السعر او يطلع متل السنة الماضية بنسب بسيطة..
طلعت غلطان.. بحساباتي
كل واحد بشيكي همو الموظف الحكومي نزل راتبه للربع من بعد الزيادة
وموظف القطاع الخاص ( الي بقي بعمله ) نزل راتبه و فوق هالشي مهدد بالفصل بأي لحظة
و الطبيب و المهندس و المحامي .... نزل دخلن كمان للربع او اقل ..
بس بدي اعرف مين تحسن وضعو....
انتو بتعرفو شي حدا .!!
|
انا لا اريد ان اقول لك تجار الأزمات و الفاسدين لأنهم دائما يتحسن وضعهم
يا زلمي تقول ما بينفع معهم ولا مخطط غير الصعود الصاروخي او المراوحة ثم الصعود الصاروخي
اللي بدي قلك إياه تحسن وضع المغتربين نتيجة الفرق بسعر التحويل طبعا مو كلهن طبعا الوضع المادي اما الوضعالمعنوي فهم أكبر الخاسرين
على كلٍ في ناس خسرت كثير و فكرت حالها بالاول ربحانة
يعني و هم الذين اشتروا عقارات سابقاً بسعر المتر 300 - 500 دولار مثلااً الان أصبح سعره 100-150 دولا ر للمتر
بس اللي كسبوا هم على سبيل المثال المحتفظين بأموالهم بالعملة غير العملة السورية مثال اللي كان معو 60 الف ريال مثلا كانو تقريباً 780 الف لام سين ما كانو بيجيبوله نص شقة اليوم صار التصريف اكثر و صاروا بحدود 3300000 ثلاثة ملايين و ثلاثمائة الف يعني بيجيبو شقة بين ال100-150 متر حسب المنطقة و المدينة
فالمثل صدق إذ قال مصائب قومٍ عند قومٍ فوائد
اللي ماخذ قرض قديما من الدولة و سافر للخليج مثلا صار بامكانه يسد القرض كامل نتيجة فرق التصريف و بيكون الكسبان
المديون إينما كان بالليرة السورية استفاد
بكفي
رح أزيدك من الشعر بيت على بعض المغتربين الذين استفادوا
يا مجمع من المال كثير و عندك للبخل محبة..
................مثل بعير على ظهره شعير ما بيصخى يأكل حبة
بعير = الجمل
بيصخى يأكل حبة = لا يرفرط بحبة حتى لإطعام نفسه
كيفني معكم بشرح المفردات و لا الصيداوي
بس يا ترى هل الاستفادة على قدر المساواة مع خسائر البلد هون السؤال؟؟؟؟