عضو
تاريخ التسجيل: Jan 2012
الدولة: سورية
المشاركات: 26
شكراً: 264
تم شكره 141 مرة في 26 مشاركة
يعني بفهم انو العالم لازم تاخد قرارات البيع والشراء وعم تخسر رزقها يلي عم تتطلع عيونها لحتى تحصل عليه
من خلال السربرايز والمفاجات يلي مخبيلنا ياها المركزي والفريق الاقتصادي يلي عم يعمل كل جهدو ليعرفنا انو عم يدور على مصلحتنا
لك منشان الله يلي خايفين على مصلحة المواطن بقولوا لا تنخدعوا وتشتروا دولار وقت كان السعر 106 ويحذر ويهدد وبالآآآآآآآآآآآآآخر بيطلع اول قرار وما بطبق 10% من وعدو فيه وبيطلع تاني قرار لحتى يوصل الدولار بدون شلف لل 195 وايمتا بطلع القرار الساعة 9 المسا وقت بكون ثلاث ارباع العالم صارت ببيوتها واكلت كم من المفاجئة الحلوة يلي طلع فيها السيد الحاكم وبالاخر بفهمونا انو عم ينصحونا منشان مصلحتنا وبيطلع سعر تدخلهم تقريبا 178 (يلي مفترض اننا نقارنوا بالاسعار الوهمية يلي يلي خبرونا عنها)
واحلى شي انو نص قرار التدخل بينعاد بنفس المنتدى كذا مرة وبالحرف الواحد بس عم يختلف لون الخط
يعني فهمنا انو في قرارات بس ليش هالحملة الدعائية الضخمة الها ((يعني حسب لون خط نص القرار بتبين نسبة الجدية فيه؟؟؟؟؟))
وبالاخير احذروا لان في ((((مفاجئة)))) وانتظرونا في الايام او الساعات القادمة
لك والله الناس مو ناقصها مفاجئات ناقصها تلاقي حدا فعلا بدو مصلحتها وبدوا ما ينخرب بيتها مو بدها مين يجي يتركها لحتى ينخرب بيتها بعدين يطلع بالمفاجآت منشان يربي العالم المعترة بقرارات الواحد ما بيعرف قديش بنسة مصداقية انجازها مستقبلا ويطلع مين يغني ويرقص ويشمت بالعالم الخايفة يلي اشترت بالغالي وانخرب بيتها ويقول ما قلتلكن وما نصحتكن
لك يا اخوان كلنا خايفيين على ليرتنا لان منقبض رواتبنا ومرابحنا وايراداتنا ومنصرف على اهلنا وولادنا منها بس المفروض يلي يخاف عليها اكتر مننا هنن اصحاب القرارات لانن مسؤولين من مسؤول يعني مفترض يتم مسائلتهم وقت الشعب بوصل لهالمرحلة
وعلى كل حال الله يحمي هالبلد ويتولى هالناس برحمته ويبدل حالنا الى احسن حال
وانشاء الله نكون اصحاب مصداقية وامانة بنصائحنا لبعض
وشكرا للجميع