الأسهم السورية ( المضارب السوري) - عرض مشاركة واحدة - صالون سيرياستوكس للعطلات(13-14-15-16)-حزيران 2013

15-06-2013, 10:19 PM

#271

omar1964

عضو أساسي

تاريخ التسجيل: May 2013

الدولة: سوريا

المشاركات: 2,757

شكراً: 20,745

تم شكره 20,602 مرة في 2,748 مشاركة

اقتباس:

المشاركة الأصلية كتبت بواسطة لقماان

صباح الخير أبو عمر
يا شارب المتة
حتى لوكانت بطعم الزرنيخ .....
----------------------------------

مع اني بعرف اتنو اسمك نزار ...
بس أحيانا بناديلك با سم عمر ...
مشان ما تتسائل العالم مين هاد نزار ....
معنا هالحكي
حضرتك أبو عمر ......
الله يخليلك ياه ...و ان شاء الله يرجعلك
و هو محئئلك رؤيتك ....
معناتوا أخ نزار ....
1964
مواليدك و لا مواليد عمر ...
والله اذا طلع 1964 مواليد عمر ...
معناها بدنا نصير نعيطلك جدو نزار
و بتكون سحبت البساط من تحت رجليه للأستاذ عابر مجيب
با عتباروا عميد المنتدى ...
لا و الله في الاستاذ فواز الهيئة هو العميد
الاستاذ عابر معناتوابهالحالة بيكون ..برتبة مقدم بالمنتدى مو أكتر .....
آل عميد آل ....رأسن صار يتفرج استاذ عابر
على كتفوا اليمين و اليسار ....
اي محل ما بتوئف ملائكة الحساب مجازا ...
صحيح لي الرتب بتنحط هون
عجب بالصدفة
و لا مشان صاحب الرتبة يتذكر انو في حساب

ما شاء الله ابوحكيم
بمشاركة وحدة بتحط شي اربع خمس شغلات كل وحدة منن بدها رد لحالا ..
اول شيء المتة
اي انا مدمن عليها قبل ما اعرف انو الرفيق غيفارا شريب مته
و هالحز بعد ما عرفت اهميتها بالنسبة للنضال الاممي ..
اكيد اكيد اكيد ما لح اتركا
حتى لو خصصولي سيارتين شبح ...و طبعولي جريدة ببلاش..
------
بالنسبة للإسم كل الاسامي حلوة نعمان... نزار ..عمر
فبأي اسم بتناديلي ماشي الحال و رح اعرف اني انا المقصود
و الارقام 1964 بتفائل فيها اكتر من غيرا
2 فردي و 2 زوجي و مجموعن 20
مرة عطيت معلومات لحساب بس لابس عمامة كبيرة
اسمي و اسم امي و اسم ستي و مواليدي
و تعمدت اعطيه اياها كلها غلط

و طلع معو شغلات عجيبة غريبة
بالآخر سألتو : شيخي ايمتا بدو يجيني ولاد ؟
قلي انو قريبا و حكي كيتر حكي ما فهمت منو شي ..
و بس يصيرالقمر مدري وين و الزهرة ... و قعد يخبص
--
اذا ع الرتب يمكن ما يطلع لي اكتر من مولازم
و خلي العقيد للاستاذ عابر .

آخر وحدة ليش بيحطو الرتب ع الكتف ؟
عن جد عجزت و ما خطرت ع بالي
بس يمكن أحسن ما يحطون بمطرح تاني ....

اوعى تفهمني غلط ...