اقتباس:
المشاركة الأصلية كتبت بواسطة eng.mdkh
استشارة من باب الاستئناس:
ما رأي الأعضاء بشراء بيت في هذه الأيام .. خاصة أن الأسعار نازلة
يعني مثلاً منطقة هادئة الآن و لكن بالتأكيد غير معلوم هل ستكون هادئة بالمستقبل أم لا .
أم هل الكاش الآن أفضل من البيت !!
|
اخي الكريم
يمكن حضرتك مهندس
اذا كان بيت مبني بدك تعمل حسابك انو تصيبه شي قذيفة و لو بالغلط و ينهدم و بهالحالة بتخسر قيمة البناء .
اذا اشتريت ارض ما عليها بناء افضل او البيت مبني بس تعمل حسابك انك تشتري بثمن الارض فقط .
هيك اكيد ما رح تخسر و افضل من الكاش اذا كان عندك قدرة تصبر لتنحل الامور .
و يمكن تطول المسألة سنين ...
بس أكيد ما رح تبقى اسعار البيوت و الاراضي هيك...
بعام 82 و خلال ازمة حماه انباعت عقارات برخص التراب بعد اقل من 5 سنين تضاعف تمنها
و كان الاستثمار فيها اربح من الذهب ومن كل السلع التانية بكتير .
بس العقار بدو صبر و مدة طويلة .
يعني باختصار بدك تشتريه و تنساه ..
و بالآخر ما حدا بيعرف وين رزقه..
بتمنى كون قدمتلك فائدة ..