مساء الخير مدام رندة
أدمت بكالوريا تلت سنين و التلاتة نجحت فيون بس كان
لازم اجمع مجموع السنوات التلاتة مع بعضون مشان يدخلوني طب
حسب طموح أبي عندو عشرة أولاد بدو العشرة دكاترة
طلع منون تلاتة دكاترة ..و مهندسة و البائي جامعات و معاهد يا حرام
ما عاجبوا ......الطمع بالدين يا أبوي الحجي ....بدك الكل دكاترة ...
اي دكتور واحد بيكفي و بيوفي و يمكن يشيبك ....
-------------------
المهم عطول اسأل حالي هللأ الأعداد اللوغاريتمية شو دخلا بالطب ..
طيب برهان نظرية تالس و فيثاغورث ....شو دخلون بالطب ...
المتطلقات النظرية لحزب البعث شو دخلا بالطب ...
و هيك ضليتني وئت الدراسة فكر لحتى طبيت بالمجموع و ما جبت طب.....
و صرنا عند الوالد مواطنين من الدرجة الثانية في امبراطوريتو الطبية..
مرة من كتر ما بهدلني ,,,,,
رفعتلوا ضغطوا كعادتي و التلوا ..حجي طيب لي ما طلعت انت دكتور كمان..
فرحانلي بهالسرتفيكة و ما حدن أدك.....
و بتقارنلنا ياها بشهاداتنا و بتصرفا
متل الليرة و الدولار