علمتني الحياة انو ما في درس بينتهي، كل يوم كل دقيقة بتحمل شي جديد وكل ما تعلمنا اكتر منكتشف انو ازددنا جهلا علمتني الحياة انو الحب ممكن يلونها واذا اختفى بتكون بلا الوان انو الحياة كتير صعبة وعلى قد صعوبتها بتحمل اشياء حلوة كمكافآت على الصبر والمثابرة انو الايمان ممكن يساعدنا بكل تفاصيلها متل المي الي منشربو خلال يومنا انو الأمل زوادة منصير نرسم فيها الي منحلم فيه وبتساعدنا على الاستمرار انو الغباء والسفالة ضرورية تكون حولينا لنقدر نشوف الجمال الي حولينا لولا الاسود ما انتبهنا على جمال وطهارة الابيض علمتني الحياة ان كل ما يحدث معي حتى لو تغلف بقالب غير جميل هو افضل ما يمكن علمتني الحياة انو انا وحيدة قد ما في ناس حوليي بيساعدوني وبيحبوني وقت الجد انا لحالي ما في غير الله بيونس وحدتي