عضو
تاريخ التسجيل: Sep 2012
الدولة: سوريا
المشاركات: 34
شكراً: 148
تم شكره 82 مرة في 28 مشاركة
اقتباس:
المشاركة الأصلية كتبت بواسطة أبو العلاء المعري
منع استخدام الدراجات الهوائية داخل دمشق والغرامة 260 ليرة
2013-06-02
 يعني قسماً بالله شي ما بيتصدق!
سيارتي صافة بالشمس من شهور ما اتحركت بسبب صعوبة التنقل بها،
اشتريت ميتور و بعد كم هريبة من المصادرة بعته و خسرت في عشرات الآلاف،
قلت لحالي بطلع بالتكسي اريح شي ، بس شفيرية التكاسي طلعوا جزارين و شحادين و بكاء و عويل و ما عم توفي و......الخ شي بخليك تقرف،
قلت لحالي *وجدتها* متل ما قال أخونا أرخميدس، مالي غير أشتري بسكليتة، أي ليش لأ، طقم و جرافيت و بسكليت قالولي صحابي!!!! قلتلون وين المشكلة ؟ في شي تعارض لا أخلاقي بين التنين؟ شو هالعقد،مع شوية رياضة أجبارية و توفير أجور نقل،و سرعة وصول للهدف.
أنبسطت فعلاً صرلي شي أسبوع على البسكليتة و ما أحلاني،
بس للأسف وراي وراي، العقوبة جماعية و مكافأة مافي.و الله يفرج أحسن شي و يلطف بالبلاد و العباد و يجعل سوريا أأمن البلدان. قولوا آمين.
و اليكم آخر خبر رح يخليني فكر أشتري هالمرة حمار و بخو أحمر و حطلوا زمور، و أنشالله ما يمنعوا بعد كم يوم.
كشف مصدر في فرع مرور دمشق لموقع "الاقتصادي" إنه "تم منع استخدام الدراجات الهوائية داخل مدينة دمشق لأسباب أمنية".
وأضاف المصدر إنه "في حال تم ضبط دراجة هوائية داخل المدينة من قبل عناصر شرطة المرور، يتم تنظيم مخالفة بحق راكبها بقيمة 260 ليرة سورية، أو يتم حجزها حتى يدفع المخالفة".
واضطر عدد كبير من المواطنين السوريين لاستخدام الدراجات الهوائية مؤخراً، بسبب ارتفاع أسعار البنزين وأجرة السرافيس والتكاسي، عدا عن الازدحامات الخانقة على الطرقات.
وكانت وزارة الداخلية عام 2011، منعت استخدام الدراجات الآلية بكافة أنواعها داخل مراكز مدن المحافظات والتجوال فيها، وأمرت بحجز كل دراجة مخالفة وتوقيف صاحبها ضمن الانظمة والقوانين، وذلك لأسباب أمنية.
وفي الأرياف، سمحت الوزارة حينها بتجوال الدراجات الآلية النظامية فقط على أن يتم حجز أي دراجة غير نظامية وتوقيف صاحبها ضمن الانظمة والقوانين.
|
السلام عليكم والرحمة
طيب من شي بحير
((( أغلبية التفجيرات عم بتصير بسيارات مفخخة ليش لهلأ ما منعوها ))
__________________
ولا خير في ود إمرئ متلون..إذا الريح مالت مال حيث تميل