لو انو كل الطلاب المبتعثين بيفكروا بهالطريقة ....
كانت كتير امور اتغيرت .....
المشكلة انو الطلاب العرب ... و خلال فترة التحضير للابتعاث ..
بيكون اكتر شي مسيطر على تفكيرهم ...
كيف ممكن يلاقوا طريقة مضمونة ... يقدروا من خلالها يبقوا بالبلد المبتعثين عليه ...
و يستقروا فيه .... بدون اي عواقب او مشاكل ......
بيكون كل همهم يوصلوا لهنيك و بس ...
و فعلا نسبة كبيرة من المبتعثين العرب ما بيرجعوا على بلدهم للأسف ...!
ناهيكِ طبعا عن الطلاب يلي بيسافروا كرمال يدرسوا " على اساس " ...
و لكن بالواقع و بعد السفر ... بتلاقيهم عم يعملوا كل شي " إلا الدراسة " .....!!!!
مع انو انا من الناس يلي بقول انو غالبا العقول عنا عم تطفش ....
لانو ما عم تقدر تلاقي حالها ببلدها ابدااااا ..... و ما عم تلاقي اي تشجيع او دعم للأسف .....
بالعكس بكتير احيان ما بتلاقي غير العواقب بطريقها ...!
بس رغم هيك لازم ما ننسى انو التغيير و التطوير ...
هو مسؤولية كل شخص .....
لما بنرفض الواقع ... لازم نفكر بطريقة نغيرو ....
مو نهرب ببساطة ... و نترك الشقا على مين بقا ...
و ما عاد نفكر بحياتنا نرجع نفيد بلدنا و لو بشي بسيط ....!
مهما كان ... الواحد فينا مالو غير بلدو ....