الأسهم السورية ( المضارب السوري) - عرض مشاركة واحدة - صالة أسعار صرف العملات مقابل الليرة السورية ليوم الاثنين 27-5-2013

27-05-2013, 08:15 PM

#106

expert

عضو أساسي

تاريخ التسجيل: Mar 2012

المشاركات: 998

شكراً: 10,717

تم شكره 4,581 مرة في 965 مشاركة

اقتباس:

المشاركة الأصلية كتبت بواسطة Dynamic Pulse

مساء الخير
قرأت صباحا مشاركة لأحد الأخوة الأعزاء عن سعر الذهب وحركته بالليرة السورية منذ عشر سنوات وحتى الآن
بحسبة بسيطة إستنتج أن سعر الذهب تضاعف 5 أضعاف في مقابل 3 للدولار و 1.6 للعقار
وبما أننا أخوة في هذا المنتدى أحببت أن أذكر بعض المعلومات التي حصلت عليها من تجربة شخصية
متوسط سعر دنم الأرض في يعفور في 2003 كان500000 ليرة سورية
متوسط دنم الأرض في يعفور عام 2010 أي قبل الأزمة كان 20 مليون ليرة سورية
يعني 40 ضعفا
متوسط دنم الأرض في كناكر كان 10000 ليرة سورية عام2003
متوسط دنم الأرض في كناكر كان _150000 ليرة سورية عام 2010
يعني 15 ضعفا
متوسط سعر القصبة المعدة للبناء في عين ترما 200000 ليرة سورية عام 2003
متوسط سعر نفس القصبة في 2010 كان مليون ونصف
يعني 7.5 ضعف
سعر المتر على العظم بتنظيم كفرسوسة عام 2003 كان 30000 بينما وصل عام 2010 إلى 200000 ليرة
حوالي سبع أضعاف
طبعا هذه الأسعار مع سعر ثابت لصرف الليرة السورية
العقارات اليوم معروضة وبكثرة وبأسعار مغرية بداعي السفر أو العلاج أو أي سبب مرتبط بمجريات الأحداث السياسية
وهي فرصة إستثمارية ذات عائد مضاعف على المدى الطويل خاصة عند شرائها في القيعان
هذا رأي شخصي والله يكتب الخير للجميع

الشي المؤكد انو الناس ما بتجتمع على راي واحد
من سنة تقريبا كانت حلب كلها تحت سيطرة الدولة وكان فيه نقاش حول شراء العقارات وكنا نقول للبعض طيب بركي صار بحلب دمار متل بابا عمرو بحمص صار الشخص يللي بده يشتري العقار يضحك ويقللي مستحيل
اليوم الدمار موجود بحلب حتى في بعض الاحياء الراقية متل سيف الدولة انمسحت من على الخريطة ومافيها اي بيت تقل خسائره عن 2 مليون ليرة (ناتجة عن سرقة الفرش والتكسير اثناء السرقة وبسبب الضغط الناتج عن الانفجارات) مع ان ارخص بيت لا يقل ثمنه عن 3 ملايين قبل الدمار
طبعا هناك امثلة كثيرة لا تعد ولا تحصة وما تراه فرصة استثمارية قد يتحول الى كابوس
اهلي كل املاكهم عبارة عن عقارات
ورغم اننا قد نرغب بالسفر الا ان اموالنا لا نستطيع اخذها معنا وا نستطيع بيعها في هذه الظروف اذ ان اكثر العقارات موجودة في مناطق مضطربة ولا احد يريد الشراء باي مبلغ (ما عدا ما تدمر منها)
وكنا نعيش من ريع اجار هذه العقارات والان لا احد يدفع (هذا ان كان موجودا ضمن العقار)
او ان هناك من جلس في العقار دون اذن منا (نازح الى العقار بالقوة حتى تخلص الازمة)
وشو بدو يحكي الواح ليحكي الواح
المهم مافي استثمار امن ورابح بشكل مضمون ولا حتى فوق ال65%
طبعا يللي مفكرني عم ادعم الاستثمار بالدولار او الدهب
كمان الهم مخاطرهم
اذا حطيتهم بالبيت فاحتمال السرقة او السطو المسلح واردة
حملهم والتنقل بهم خطر شديد
وضع العملات الصعبة في البنك قد يظنه البعض امن لكن قد يرفض البنك باي لحظة اعطاءك المبالغ الا بالليرة السورية (او خليهم بعبنا

) حتى يطلع قرار يلغي القرار السابق
وقتها بتكون بامس الحاجة للكاش وانت ما بتقدر تسحب
هاد اذا ما فلس البنك كله او اتحفض عليه البنك المركزي وعلى كل موجوداته
المهم كل شي اله ميزاته ومخاطره والله يلهمنا الصواب