عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
مساء الخير
ما وصلت لهون إلا بكل نفس ذائقة الموت
مو الأنترنيت هالمرة ، بس كتر المشاركات
قبل الظهر ما قدرت فوت ، بعد الظهر مشي الحال وبلشت اقرا وحط تشكرات وهلأ وصلت لهون .
أصعب مافي الكتابة ، هو عندما تزدحم الأفكار والمواضيع ، ووقت بيجد الجد ، بنسى شو كنت بدي أكتب .
أول شي كنت بدي أحكي عن الكتابة ، وكيف بكتب ، ما بعرف إذا غيري نفس الشي .
ببدأ بالكتابة ، وفجأة بدخل بحالة انفصال عما يدور حولي ، هي أشبه بحالة التنويم المغناطيسي ، ما بسمع اللي بيحاكيني ، والأغرب بس خلص بقرأ ما كتبت ، وبشعر كأن الكاتب واحد تاني . وأكيد إذا محيت ، مستحيل اقدر أكتب الموضوع مرة تانية أو بيكون متكلف .
كأني بدخل على ملفات العقل الباطن وبستخرج منه مباشرة .
من زمان نسيان هالحالة ، أول مرة لاحظتها كان يوم امتحان الانشاءات ، بتذكر اني بلشت بالكتابة بورق الامتحان ، وغاب عني ما يدور حولي وفجأة تنبهت للمراقب يعلن اقتراب نهاية الزمن ، انتفضت هلعا ، وكنت في نهاية السؤال الأخير ، ولكنني لم أكتب بقية الأسئلة !
قلبت الصفحات رجوعا ووجدتها كلها مليئة واستغربت ، كنت اعمل باللاوعي .