السلام عليكم
الله يرحم ايام زمان كنت كل شي شهرين او تلاتة لحتى أسأل شو سعر الدولار او الذهب و لحد السنة الماضية لما صار لازمني دولار منشان ابعت مصروف لابني برا سورية اتصل بواحد عنا بيشتغل بالصرافة و سؤال ع السريع بشقد اليوم ... رح ابعتلك مصاري ابعتلي 1000 او 2000 أو..كذا
و هلق صرنا منام ع سعر الدولار و منفيق ع سعر الدولار
وانو اليوم المصرف المركزي بدو يستخدم العصاية ولا الجزرة !!
كنا نسأل عن المواسم و شو كميات الانتاج للزيت او للحليب و مشتقاته او الكمون او الشعير أو الحنطة ..... او اي سلعة من انتاجنا
و نهتم بأخبار موسم الزيت بإسبانيا او بتونس او انتاج اللوز بامريكا و ايران و الجوز باوكرانيا و تأثير كميات الانتاج ع الاسعار عنا .
نحنا بلد زراعي و الانتاج انخفض لدرجة يمكن أقل من النص . أنا متأكد من معلومة الحليب و مشتقاته انخفض الانتاج حوالي 60% بمنطقتنا و إذا ضل الوضع الامني هيك رح يكون انتاج الزيت أقل من 50% مع غض النظر عن المعاومة بأشجار الزيتون يعني بالآخر الناس فيها تاكل مثلاَ بدل الزيت و اللبن دولار.. ؟؟؟؟؟!!