مبارح بآخر النهار عملت مداخلة في صفحة الدولار وبما ان الموضوع أغلق وممكن ما كتير شافوه ، لقيت لازم انقلها للصالون حتى تعم الغلاظة
معذرة من اللي سبق وقرأ بس بدي اكبر عدد يشوف لأن فعلا صار في تضليل ، وما عاد عرفنا موسى من فرعون .
على الأقل ممكن بنتبه اللي عم يكتب بدون قصد ويشوش ويبين كأنو مأجور :
مساء الخير
أحلى شي لما بيشرحلنا السادة الوزراء وبالتفصيل ، كيف ولماذا ولما !
ثم يشرح الاجراءات الواجب اتخاذها
يعني نحنا مشكلتنا بمعرفة السبب ؟
ولا ليكون قصدهم أننا نحن من يجب عليه اتخاذ الاجراءات التي شرحوها ؟
أفضل خطة يشوفوا خاطرنا بقرشين ، ويشوفوا شلون بنرجع الدولار لتحت قيمتو بمراحل .
وهذه مسطرة
أول مشاركة
شباب ديرو بالكم الدولار عم يرفعوه الصرافين ، هي مو دعوة للشراء لتلحقوا حالكم
المشاركة اللي بعدها ، وبعد ما تأكدوا الشباب اني عم أعطي معلومات صحيحة وبدي انفعهم
هنالك أخبار من صديق بالمركزي رفض الكشف عن كتفو
المركزي توصل إلى قرار بطرح دولار ويورو بكميات كبيرة للحد من جنون الارتفاع
فترة
رعب
وقلق
وتشويش
وعدم تصديق
استراحة خفيفة
ثم اعادة للثقة وتعزيزها وبكل براءة
شباب والله المركزي حيرنا وكل ساعة برأي
اليوم اشتريت دولار من صراف صاحبي ما غشني حسبلي سعر 121 مع ان السعر 123 ( طبعا بيكون السوق 135)
استراحة
استراحة
صباح الخير جميعا
اليوم صادفت امرأة تبكي في الشارع وكان معها بنتها سرقوا منها المصاري انتبهو لا حدا يحمل مبالغ كبيرة
تدعيم مجدد للثقة
تم شراء الدولار اليوم بحارة الحفيان على سعر 140 مو حرام الله يعين الفقير بكرا المواد رح ترتفع
ضربة جديدة
تم الاتفاق بين عدة دول على تقديم هبات على روح امواتهم ، لدعم الليرة أساس قوت المواطن ،
ويتوقع ابو خليل زنبوعة أن يصل سعر الدولار إلى 85 ليرة بعد انفلات هستيري بسبب جشع الصرافين
تدعيم الضربة
أحضر لي جاري عدة مئات من الدولارات لفحصها ، شكو قلبو وقلي الدولار بيحكي وهدول خرسانين ليش ؟
ما بيكفي بقا قلة ذوق من اللي عم يتلاعب ببعض البسطاء الذين تنطلي عليهم الحيلة ، علما بأن المذكورين لا بيقدموا ولا بيأخرو ، وجل أمانيهم لا يتجاوز بضعة دولارات
اللي عم يحرك حقيقي ويعبي بطنو، ما بيفوت ويضيع وقتو بالمنتدى ، أديبو بيروح لعندو .