عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
اقتباس:
المشاركة الأصلية كتبت بواسطة عابر مجيب
يعني عم تتقاوى على ابو طارق لأنو عم يكتب من الموبايل
رح اتدخل
المصاري هي الدليل الملموس على النجاح بس مو هيه كل النجاح لوحدها
كتير بتساعد على الاستقلالية والتفرد بالقرار
وهي خادم أمين ، إذا قدرنا نسخرها ، بس هي بلوة إذا صارت مجرد هدف .
شي مر معي شخصيا
لما توفي أبي وكان هو كل شي بحياتي ، كنت حس انو يوم وفاته رح تنهار الدنيا .
كان علي شغلات كتيرة لازم ساويها وكلها بدها مصاري
من تقرير الطبيب لأجور سيارة دفن الموتى لفتح القبر ، لشراء قبر بدل اللي سرقولنا ياه للقهوجي للمشايخ للغدا بعد الدفن ، بانزين للسيارة ، لغداء الخميس ..... بدي قول ألخ بس ما خليت شي .
انبلا طبع النعوات ونسيان بعض الأهل اللي بينطمزو
كانت يومها جيوبي عامرة وكنت عم اسحب وفت
متل مابيقولو الله بيبلي وبيعين .
طبعا بكيت كتير بس كنت عم تابع من خلال الدموع بوعي وثقة .
تراجعت الأمور وبعد سنتين دخلت والدتي المستشفى وكلفتني بقرة جحي
اتسلو فينا الأطباء ، وصار بدها عمليات ما اقتنعت إلا لإسكات خالي هلأ ما بتجوز عليه غير ..... موطالعة معي
توفيت والدتي وهي عزيزة جدا ، مو بمستوى ابي أكيد ( يمكن مومن جهة المحبة ) بس أمي كانت عبئ وأبي كان دعم ووفاته كانت كسر ظهر حقيقي .
بوفاة أبي كنت حر ببكي ما ببكي أنا حر ما حدا بيزاود
أمي كان خالي عم يراقبني كنت مقيد لدرجه قرفت ابكي
الأهم انو كان يوم وفاتها باقي معي 700 ليرة لاغير
يعني موت وخراب ديار سوا
كبرت بموتها سنوات ، انهديت حقيقي وبكيت أكتر لما خليت لنفسي
يمكن كنت عم ابكي على حالي أكتر
دبرت من هون لهون ومشيت على روس الأضرع .
كل المشاكل كانت مضاعفة
بيكفي بلا ما اتوسع وديق خلقكم
كل الناس بتعرف ان المال مهم بكل شي ما بدو دعاية .
أديش حزنت على الثوار البحرينيين لما جاء لعندي واحد هو وزوجته ومعهم طفل ياحرام لساتو رضيع ، طافشين من بلدهم ، وحجزتلهم طيران وفندق خمس نجوم بتركيا ( منتجع ياحرام )لمدة شهر( رخيص 200 دولار بس ورح يحشرولهم الطفل بنفس الغرفة ) ليريحو اعصابهم من اللي عم يصير ببلدهم ( الله يكون بعونهم )، تخيلو قتلولهم كم شرطي بس ، يا حرام فقراء ومو عاملين شي ، يا حرام على هالشنططة والتشرد ، لو معهم قرشين تانيات ما كانوا اشترو قصر يلدز ياحرام ؟ الله يكون بعونهم كل ما بتذكرهم ، وبتذكر الرفاه اللي عايش فيه شعبنا ومهجرينا بزعل عليهم أكتر .
بس الله ما بيقطع هلأ سافرو على اسبانيا وكتير مرتاحين لا تقلقوا ، شو طيبين بعتولي وتشكروني على اقامتهم على الرغم من تواضعها ، قنوعين الله يهنيهم على هالنفسية السمحة .
|
اي تدخل .....بدال أبو طارق
بس عندي موهبة برفع ضغط يلي بيفت برات الصحن ...
بس باعتبارك ما فتيت لحد هللأ الا كل خير و جوات الصحن و لا يهمك ...
احكي .....
----------------------
على فكرة أبو طارق انسان طيب نوعا ما ....و بدموا التجارة
وبعرفوا من وئت ما دخلت على سوق أسهم بنك الشام بالتحديد بس وئتا ما حبني.........................
و صار الي صولة و جولة في هذا السهم بالتحديد
و كانت الصفقات يلي اعملها من العيار الثقيل والعدد كان يوصل للثلاثين ألف سهم ...
و شرط أساسي كنت ألتزم بكلمتي و بصراحتي و عدم اللجوء الى أساليب الغاية تبرر الوسيلة .....
حتى بذكر وئتا تعليق أبو طارق بالحرف على هي الصفقة
انو سأل باستغراب : انت أديش عمرك.....
المهم شاء رب العالمين انو يروح كل شي ...
و لست مولودا و في فمي ملعقة من ذهب .....
يعني رجعت على الحديدة بكل شي أسهم و غيروا....
---------------
الشاهد هون أنو تبخرت المصاري يلي
رب العالمين كافأني على مجهودي و قوة قلبي بأن رزقني ياهون بمدة قصيرة ...
ممكن في أخطاء و ممكن ابتلاء من رب العالمين......
و ممكن رب العالمين عميدربني مشان وئت يجو العشرة ملايين دولار كون عندي تجربة قاسية في النقود ...
مع انو يلي صار بسوريا ...ما صار و لا مرء على راس حدن
و ما حدن بالبدايات متوقع الأمور لهالسوء ....
طيب بتبخر المصاري أعتبر غير ناجح......لحد الآن
نعم اذا كان المقياس الوحيد هو المصاري ...
---------------------------
كانت من أجمل هدايا أبو طارق لألي وئت اجيت على الشام و طلع واستئبلني بالمطار....على الرغم من التنافس يلي كان موجود بيناتنا بسهم بنك الشام بالتحديد...
---------------------------
بس عاد أحيانا هيك بديئلوا خلاؤوا.....
بقسوة مفرداتي الصريحة.....................
و هو عميكتب بصعوبة و من الموبايل......
عميلون أخضر و أحمر .............
__________________
أبو حكيم الدين