عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
اقتباس:
المشاركة الأصلية كتبت بواسطة عابر مجيب
أبو حكيم يسعد صباحك أول شي انت وكل السامعين بعيونهم مو ادنيهم .
انت افضل من اللي ذكرتهم وأفضل من الفقي نفسه لذلك بحب آخد وأعطي معك .
الحوار احيانا بيغني الطرفين إذا كانت نيتهم الاستفادة ، مو التحدي والغلبة .
كل الناس بتبتدي حياتها وممكن تنجح او تفشل ، نحنا بنشوف اللي نجح وبنحاول نعمل متلو ، لأنو مابنعرف انو اللي نجح هو واحد من ملايين عملوا نفس الشي بس هوه حكمتو صدف ، ما بنجيب سيرة اللي فشلوا ويمكن كانت مواهبهم اكبر .
ليش ؟
يمكن لأنو في ناس اكتر تهور وفي ناس بيحترموا حالهم وما بيطحشو ، بغض النظر عن النتائج لأنهم ما عندهم شي يخسروه . والناس بتمدح العصامي وانه شغلة عظيمة ، ممكن يكون انسان لا يتورع عن شيء . بس من باب المثال : انا بعرف واحد راح على رومانيا وتزوج طبيبة وكانت وحيدة لأهلها ، وبلا طول سيرة استغل الظروف والفرص وعلاقات ابوها وصار من كبار تجار المواد التجميلية وطلق البنت ورجع خطبتلو امو واحدة من توبو . توبو مو منطقة لأ يعني من نفس النسيج والثوب تبع الأكابر اللي خلفو هيك سافل .
هيك شخص بيألف كتب عن نجاحاتو وذكاءو الخارق في حسن تصريف الأمور
بآخر حياتو ، بيتحول للفنطزة ( الفنتازي ) أو الفزلكة ، وبيصير محدث بالدين ممكن يغلط ببعض الآيات على اساس بلش ينسى من تأثير دواء السكري .
المشكلة الناس بينسو يا بيطلعلك شي فهيم وبيقللك هل شققت على قلبه ؟
مصطفى محمود نشأ شيوعيا ، ولما لقى هالشي ما بيطعمي خبز ولا بيسمحولو يدخل السعودية ، بليلة وضحاها نزل عليه الوحي ، وصار داعية لا يشق له غبار لاعلى اليابسة ولا بعلم البحار والأسماك ، وعلى قوله بص الزاي السمكة دي بتعمل ! وبنفتح نحنا تمنا للدبان .
الله يجزيه الخير على كتابو حوار مع صديقي الملحد ، اعتبر الملحد حمار وعم يسأل كل الأسئلة التافهة اللي بيقدر يجاوبو عليها ويفحمو . الله يبارك فيه على ايهامنا بتفوق علماء الدين على علماء الكفر والعياذ بالله
انا بفهم متدين بيكفر ، أما كافر يصير متدين فهذا محال ، والأنكى الخروج من دين إلى دين .
|
صباح النور أخ عابر .....
طبعا نيتي الاستفادة و الافادة من النقاش
بكل حياتي تقريبا با ستثناء فترة المراهقة ...
ما ناقشت حدن مشان أغلبوا.....
دائما أقدر عاليا من يغلبني بنقاشه شرط أن لا تكون الغلبة له تحت تأثير سطوة الحضور أو النفوذ أو المال......
لأنه ببساطة عندما يغلبني بالنقاش الفكري الراقي الحر ...أكون مدينا له ...
لأنه أوجد لي أجوبة لأسئلة هامة جدا بالنسبة لي قمت بصياغتها له ضمن سياق ملحمة النقاش الفكري ..........
__________________
أبو حكيم الدين