الأسهم السورية ( المضارب السوري) - عرض مشاركة واحدة - صالون سيرياستوكس للعطلات(28-29-30 -31)-آذار2013

30-03-2013, 07:34 AM

#215

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

اقتباس:

المشاركة الأصلية كتبت بواسطة لقماان

بتعرف لا عاد فيني ساوي متل والاس جونسون
و لا متل أبو سامر ....
ببساطة لأنو ما عندي لا بيت و لا شي للبيع
....................
بس للأمانة أنا حضرت احتكيت شخصيا مع الدكتور ابراهيم الفقي وئت لجل على حمص
وئت كان في حمص.......
على أرض الواقع هو انسان رائع و صادق
و كان كتير عميئرب للصح بهيك علوم و كان عميئرب من الدين ............

أبو حكيم يسعد صباحك أول شي انت وكل السامعين بعيونهم مو ادنيهم .
انت افضل من اللي ذكرتهم وأفضل من الفقي نفسه لذلك بحب آخد وأعطي معك .
الحوار احيانا بيغني الطرفين إذا كانت نيتهم الاستفادة ، مو التحدي والغلبة .
كل الناس بتبتدي حياتها وممكن تنجح او تفشل ، نحنا بنشوف اللي نجح وبنحاول نعمل متلو ، لأنو مابنعرف انو اللي نجح هو واحد من ملايين عملوا نفس الشي بس هوه حكمتو صدف ، ما بنجيب سيرة اللي فشلوا ويمكن كانت مواهبهم اكبر .
ليش ؟
يمكن لأنو في ناس اكتر تهور وفي ناس بيحترموا حالهم وما بيطحشو ، بغض النظر عن النتائج لأنهم ما عندهم شي يخسروه . والناس بتمدح العصامي وانه شغلة عظيمة ، ممكن يكون انسان لا يتورع عن شيء . بس من باب المثال : انا بعرف واحد راح على رومانيا وتزوج طبيبة وكانت وحيدة لأهلها ، وبلا طول سيرة استغل الظروف والفرص وعلاقات ابوها وصار من كبار تجار المواد التجميلية وطلق البنت ورجع خطبتلو امو واحدة من توبو . توبو مو منطقة لأ يعني من نفس النسيج والثوب تبع الأكابر اللي خلفو هيك سافل .
هيك شخص بيألف كتب عن نجاحاتو وذكاءو الخارق في حسن تصريف الأمور
بآخر حياتو ، بيتحول للفنطزة ( الفنتازي ) أو الفزلكة ، وبيصير محدث بالدين ممكن يغلط ببعض الآيات على اساس بلش ينسى من تأثير دواء السكري .
المشكلة الناس بينسو يا بيطلعلك شي فهيم وبيقللك هل شققت على قلبه ؟
مصطفى محمود نشأ شيوعيا ، ولما لقى هالشي ما بيطعمي خبز ولا بيسمحولو يدخل السعودية ، بليلة وضحاها نزل عليه الوحي ، وصار داعية لا يشق له غبار لاعلى اليابسة ولا بعلم البحار والأسماك ، وعلى قوله بص الزاي السمكة دي بتعمل ! وبنفتح نحنا تمنا للدبان .
الله يجزيه الخير على كتابو حوار مع صديقي الملحد ، اعتبر الملحد حمار وعم يسأل كل الأسئلة التافهة اللي بيقدر يجاوبو عليها ويفحمو . الله يبارك فيه على ايهامنا بتفوق علماء الدين على علماء الكفر والعياذ بالله
انا بفهم متدين بيكفر ، أما كافر يصير متدين فهذا محال ، والأنكى الخروج من دين إلى دين .