أبــــو حكيم
شكراً عالصالون الله يجعله فاتحة خير تطهر بها قلوب السوريين وتحببهم ببعضهم يارب
والله يحمي ويصون ويحفظ أمهاتكم
أما الغصة يلي ذكرتها فهي غصة 14 يوم
كل يوم بيمضى بقول فيه "اليوم الفرج"
لكن هاليوم بيخلص وبروح وبتكبر الغصة ... وبترجع الحياة خلال فترة الليل ... ليرجع الأمل من الصباح وينخفض الى الظهر مع الغصة ... لتكون بأعلى معدلاتها في مثل هذه الساعة ...
هي الغصة غيرت الشكل والعقل والقلب والجسد لأنها غاصة وعاصة عالقلب .... وخصيصاً وقت ما يكون القريب قريب ويكون هو الأبعد، لحتى يسحب هالغصة ويفرغها ...
يارب .... مالنا غير الله .. لحل مشكلة كل سوري
ومشكلة الحبيبة أم الكل سوريا ... يلي غصتها بتكسر القلب من جوا .
يارب .... أشهدك أني لن أحقد وأني مسامح كرمال بلدنا ...
يارب .... أمّي مالي غيرها
14 يوم ما بعرف وينها
14 يوم وبكرة عيد الأم يلي كنت فاجئها فيه كل سنة وجبلا هديتين وحدة عادية والتانية محرزة (على قول الشوام شنو منحسبها عالليرة ) ... فأعطيها العادية وتفرح فيها ... بس وقت ترجع عالبيت تشوف الهدية المحرزة ...