رد: صالون سيرياستوكس للعطلات(17-18-19-20)-1-2013
في ليل ما بيعرف قمر .............. في غيم ما بيحمل مطر
في فاس عم يكسر شجر ............ في ناس ما هنّن بشر
في موت عم يكتب قصص .......... في غِلْ عا جرحي رقَص
في رصاص عم يقسم حصص .......... قنّاص عا بابي نطَر
في صوت عالي ما انسمع ............ بدروب سكّرها الوجع
في دم بعيوني انطبع .................... و صحاب ما عدلن أثر
في بواب عم تنزف صبر .................... لبيوت خلّاها القهر
خيمات تحكي عن عمر .................. بالبال قنديلو انكسر
في نجوم بقبضة رحى ............ في كَون ما عاد استحى
في لون من عمري انمحى ........... و أحلام ما عدلا صُور
شوفي ؟ لا تسأل بَعد ............. في ناس ماتوا من البرد
في ريح عم تحصد ورد .................. و فراق عا مَدْ النظر