رد: صالون سيرياستوكس للعطلات(17-18-19-20)-1-2013
ﺑﺘﻌﺮﻑ ﺷﻮ ﻳﺎ ﺃﻣﻲ ؟
ﺃﺑﻮﻙ ﻣﺎﻋﺎﺩ ﻳﻘﻠﻚ ﻟﻴﺶ ﺃﺗﺄﺧﺮﺕ ﻭﺣﺘﻰ ﻣﺎﻋﻨﺪﻭ ﻣﺸﻜﻠﺔ ﺗﺪﺧﻦ ﻗﺪﺍﻣﻪ
ﺍﻳﻪ ﻳﺎ ﺃﻣﻲ ﺻﺪﻗﻨﻲ ﻭﻏﻼﻭﺗﻚ ﻋﻨﺪﻱ ﻣﺎﻋﻨﺪﻭ ﻣﺸﻜﻠﺔ ﻷﻧﻮ ﺍﻧﻜﺴﺮ ﻋﻠﻰ ﻏﻴﺎﺑﻚ ﻳﺎﻋﻤﺮﻱ ومن يومين نزل ﻫﻮ ﻭﻋﻤﻚ ﻋﺎﻟﺴﻮﻕ ﻭﻛﺒﺮﻭ ﺻﻮﺭﺗﻚ ﻭﻋﻠﻘﻨﺎﻫﺎ ﻣﻜﺎﻥ ﺻﻮﺭﺓ ﺟﺪﻙ ﺗﻘﺒﺮ ﻗﻠﺒﻲ ﻋﻠﻰ ﻫﻞ ﺷﺒﻮﺑﻴﺔ ﻣﺎ ﺃﺣﻼﻫﺎ....
ﻳﺎ ﺃﻣﻲ
ﻓﻲ ﻭﺣﺪﺓ ﺣﻠﻮﺓ ﺍﺟﺖ ﻟﻌﻨﺎ ﻋﺎﻟﺒﻴﺖ ...
ﻭﻗﺎﻟﺖ ﺃﻧﻮ ﻛﻨﺘﻮ ﺗﺤﺒﻮ ﺑﻌﻀﻜﻮﻥ,ﺿﻤﻴﺘﺎ ﻭﺻﺮﻧﺎ ﻧﺒﻜﻲ ﻧﺤﻨﺎ ﺍﻟﺘﻨﻴﻦ ﺑﺲ ﻗﻠﺘﻼ ﻭﻗﻠﺖ ﻟﻜﻞ ﺍﻟﻨﺎﺱ ﺃﻧﻮ ﺍﺑﻨﻲ ﻳﻤﻜﻦ ﻳﺘﺄﺧﺮ ﺑﺲ ﺭﺡ ﻳﺮﺟﻊ, ﻣﻮ ﻫﻴﻚ ﻳﺎ ﺃﻣﻲ ؟
ﺑﻌﺪﻳﻦ ﺑﺲ ﺗﺮﺟﻊ ﺭﺡ ﺃﻋﻤﻠﻚ ﻛﻞ ﺍﻷﻛﻼﺕ ﺍﻟﻠﻲ ﺑﺘﺤﺒﺎ،
ﺑﺘﺘﺬﻛﺮ ﻛﻴﻒ ﻭﻗﺖ ﺑﻜﻮﻥ ﻋﻢ ﺍﻃﺒﺦ ﺗﺮﻭﺡ ﺗﺎﻛﻞ ﻣﻦ ﺍﻷﻛﻞ ﻭﻫﻮ ﻋالنار ؟
ﻭﻛﻨﺖ ﻗﻠﻚ ﺷﻴﻞ ﺍﻳﺪﻙ ﻭﺍﺳﺘﻨﺎ ﻟﺤﺘﻰ ﻳﺠﻬﺰ ﻭﻳﺠﻲ ﺃﺑﻮﻙ ﻳﺎ ﺃﻣﻲ.....
ﻛﻞ ﻳﻮﻡ ﻋﻢ ﺃﻋﻤﻞ ﻏﺮﻓﺘﻚ ﻣﺘﻞ ﻣﺎﻛﻨﺖ ﺗﺘﺮﻛﺎ ﻣﺸﺎﻥ ﺍﺭﺟﻊ ﺭﺗﺒﺎ ﻣﺮﺓ ﺗﺎﻧﻴﺔ..
ﻳﺎ ﺃﻣﻲ ﻻﺗﺰﻋﻞ ﻣﻨﻲ ﺑﺲ ﻋﻢ ﺿﻢ ﻭﺷﻢ ﺗﻴﺎﺑﻚ...
ﻭﺃﺑﻜﻲ..
ﻭﺃﺑﻜﻲ..
ﻭﺃﺑﻜﻲ..
ﺑﺲ ﻭﺍﻟﻠﻪ ﻭﻗﺖ ﺍﻟﻠﻲ ﺑﺘﺨﻴﻠﻚ ﺃﻧﻚ ﺻﺮﺕ ﺟﻨﺒﻲ ﻋﻢ ﺃﻣﺴﺢ ﺩﻣﻮﻋﻲ ﺑﺴﺮﻋﺔ ﻗﺒﻞ ﻣﺎﺗﺸﻮﻓﻨﻲ...
ﻳﺎ ﺗﻘﺒﺮﻧﻲ ﻳﺎ ﺃﻣﻲ ﺍﻟﻠﻪ ﻳﺮﺿﻰ ﻋﻠﻴﻚ ﻻﺗﺘﺄﺧﺮ ﻋﻢ ﺍﺳﺘﻨﺎﻙ...
ﺑﺪﻙ ﺷﻲ ﻳﺎﻋﻴﻮﻥ ﺃﻣﻚ ﺍﻧﺘﺒﻪ ﻋﻠﻰ ﺣﺎﻟﻚ ﻳﺎﺣﺒﻴﺒﻲ ﺑﻌﺮﻑ ﺃﻧﻚ ﻟﺴﻪ ﻣﻮﺟﻮﺩ ﻷﻧﻮ ﻭﻋﺪﺗﻨﻲ ﻣﺎﺗﺘﺮﻛﻨﻲ ﻣﻮ ﻫﻴﻚ ﻳﺎ ﺍﻣﻲ ؟
ﻳﺎ ﻗﻠﺒﻲ ﻭﺭﻭﺣﻲ....
ﻣﺘﺄﻛﺪﺓ ﺃﻧﻚ ﺭﺡ ﺗﺮﺟﻊ ﺑﻴﻮﻡ ﻣﻦ ﺍﻷﻳﺎﻡ ﻭﺗﺪﻕ ﺍﻟﺒﺎﺏ ﻭﺃﻧﺎ ﻋﻢ ﺍﺳﺘﻨﺎﻙ