عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رد: يوميات لقمان في حمص
اقتباس:
المشاركة الأصلية كتبت بواسطة لقماان
.........ثلجيات لقمان في حمص.......
|
اقتباس:
المشاركة الأصلية كتبت بواسطة لقماان
الحلقة الأولى : كابوس ما قبل العاصفة الثلجية
الثلاثاء 8 كانون الثاني 2012......ليلا ...
الكهرباء مقطوعة ...الرياح تبدأ بالزئير ....
و فجأة بتجي الكهربا ...بشعل التلفزيون كل المحطات عمتطالع عن العاصفة الثلجية يلي عمتضرب البلدان يلي حوالينا ...
و آل ما في مفر بدا تضرب بلدنا متل ما ضربوا بئية البلدان .....
شو بدكون شي بيفزع و شي بيخوف منظر التلج و العالم بالمخيمات و البرد الآسي و مافي وسائل تدفئة
المهم انا و عمتفرج رجعت انئطعت الكهربا .....
و رأسن حطيت راسي و نمت و بالمنام صرت شوف كوابيس
مرة شوف أخونا أبو معاذ فاتحلي باب البراد و عميؤولي تفضل يا أبو حكيم راح استضيفك جمعة عندي ...و بيسكر علي الباب و هو عميضحك و معلوكمون البراد وئت بيتسكر الباب بينطفا الضو يعني برد و عتمة ....صرت صرخ و عيط و دئ الباب ...شي بيفزع عتمة و برد ...دئ على الباب و اصرخ يا أبو حازم يا صديقي الصدوق هيك بتترك أبو حكيم ...أنجدني .....
بيفتحلي الباب أبو حازم و حواجبوا طالعين مظاهرة لفوء و عميضحك متل يلي شربانلوا شي حبةهلوسة ...
و بيؤلي أهلين لقمانوف ...أهلين أبو حكيموا ...و بيطالع موبايل من التلج عميبيض متل الجاجة
التلوا شو هدول يا أبو حازم ...
صاح هاد البيض التلجي هو رسائل اس ام اس التلجية يلي راح ابعتلك ياها
و بلش يرميني بهالرسائل الثلجية
و أنا أهرب و عمنادي ......هيك لحتى بوصل على المزة
بؤول ما الي الا أخي أبو عمر ملك ملوك المزة .....
بعيط يا بو عمر ...النجدة ,,,,,,,
بينط هيك أبو عمر .....و فجأة بيختفي رامي ....يلي كان أمهر رامي رسائل ثلجية عمتخبط براسي بالفعل في الو من اسمو نصيب ....
بيؤلي أبو عمر وهو ماسك بايدوا كالعادة أركيلة كلياتها من التلج و عميشفط تلج و عمينفخ محل الدخان عواصف و تلج متل الصورة التخيليةلآلهة العواصف عند القدماء ...و هي فاتحة تما و عميطلع التلج و الزوابع
مشهد مرعب ...و أبو عمر..معلومكون ماشاء الله ضحكتوا عطول علة تموا ...لك بس يفتح تمو بدو يضحك بترجع بتهب هالعواصف ....
انرعبت و ما عاد أعرف لوين روح الت لحالي ما الي الا أبو النور بجرمانا .....وصلت لعندوا شفتو لأبو النور لائيتو منور ..بضواوي الكهربا عامل رجل تلج و لابس بابا نويل و هو عميضحك و الولاد حواليه
التلوا مرحبا يا أبو النور أنجدني ....تلج و برد و عواصف ......
اتضحك هيك أبو النور متل بابا نويل و آل ..ها ها ها ....
هي أحلى هدية مني لألك و و شال كبوش تلج من هالكبابيش يلي تحتوا و رماني بواحدة
هربت و أنا عمنادي يا أبو عدنان...............
وينك أنجدني ......أبو عدنان رد علي و آل .....غالي و الطلب رخيص تكرم عينك .....
طيب .......
يا أبو يزن يا أبو محي الدين يا أبو طارق يا سعيد يا أبو طلال ...أنجدوني ...ساعدوني ......
لائيتون كلون هيك مجتمعين رحت لعندون ...
و الا الكل نزل فيا ضرب بالتلج ...و هنن عميؤولوا
مو انت يلي عمتكتب يوميات لقمان في حمص .....
مو انت بدك تكتب بحرية ....
اي خلينا نحن كمان نضربك بحرية ....
و نزلوا ضرب فية بهالتلج و انئطعت الكهربا و هب الهوا و صابتني ضرية على وجهي و ضربة على ايدي اليمين يلي بكتب فيا و صرت عيط و صرخ ...
آآآآآآآآ......ما لائيت حالي الا عميرن موبايلي ...
هون فئت و أنا عمصرخ مرعوب وعمأوقع من التخت عفوا من الاسفنجة (ليش ضل في تخوت )...و لا الموبايل عميرن من المعمل ...
الت خير اللهم اجعلوا خير
و أنا عمأحمد رب العالمين انو يلي شفتوا كان كابوس....
......فتحت الموبايل و أنا بين الفايئ و بين النايم ...آلو ......
..........................نهاية الحلقة الأولى ثلجيات لقمان في حمص........................
.................................................. يتبع.............................................. .............
|
.........ثلجيات لقمان في حمص.......
الحلقة الثانية : العاصفة الثلجية تضرب حمص ...تؤول حمص نائصها ضرب ........
الأربعاء 9 كانون الثاني 2012 صباحا .....
رن التليفون طلع جماعة المعمل عميتصلوا .....
طبعا جماعة المعمل هون وصف مو اسم
لجماعة ارهابية معارضة عمتحارب الناس بأرزاءا .....و عمتستئوي عليا بضعفها ...
المهم بنرجع للموضوع الأصلي......
وآلولي انو اليوم ما في شغل ...سألتون خير آلولي بسبب ضغط المصاريف
عفوا بسبب تراكم الثلوج ........
خير اللهم اجعلوا خير ...
سكرت الموبايل و تمنيت بأن لا يحسم أجور هذا اليوم من الراتب المحسوم ....
و لساتني مدودخ من الكابوس الثلجي يلي شفتوا بالليل من كتر ما كانت عمتحكي المحطات انو جاييكي الدور ياسورية ...؟؟؟؟
جاييكي الدور بالمنخفض الجوي !!!!!اي و الله شي بيخفض
كذا ألف متر تحت مستوى البحر ...يعني بيجوز تنخفض سوريا لتحت مستوى انخفاض البحر الميت الأردني .....
.........................
المهم رحت و فتحت الشباك و أنا عمفكر بالأردن الكبير و فلسطين التي ستذوب و سوريا التي أتمناها أن تبقى سوريا ...
مديت راسي من شباك العيادة و الحمد لله رب العالمين موقع العيادة كتير متميز و شغال ....
يعني ايو واحد بيشوف العيادة بيمرض
هيك و أنا عمفكر تفرجت
و اذا سبحان الله حمص متل العروس
الدنيا كلياتا بيضا برا و السماء عمتجود بندف من الثلج تؤول مستورد من روسيا ببرنامج الثلج مقابل الغذاء ....
يعني نحن بنبعتلون للروس غذاء و هنن بيبعتولنا تلج يخفف حرارة المحركات الانفجارية............
كل شي صار حلو بحمص تحت التلج
حتى أكوام الزبالة كانت عاملة لوحة سريالية معبرة بتداخل جميل بين اللون الأبيض و خليط ألوان الزبالة المتنوع حسب طبخة كل واحد
اي فشر سلفادور دالي يرسم بجماليتها
.....لاه........... لاه............
..............نهاية الجزء الأول من الحلقة الثانية بسبب انقطاع الكهرباء ...........
__________________
أبو حكيم الدين
التعديل الأخير تم بواسطة لقماان ; 17-01-2013 الساعة 09:21 AM