عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيرياستوكس للعطلات(10-11-12-13)-1-2013
صباح الخير
بحجة ان الفقراء والمهجرين بردانين عم وفر شوي بالتدفئة وأبرد متلهم ، انا ضمنيا ملاقيها فرصة للتوفير وخصوصا صرلي سنتين والله ما فات عليي ولا قرش ، وبرقبتي موظفين وكتير مستصعب افصلهم . ما بلاقي إلا الشهر خلص ولحق بقا على فواتير ومصاريف ورواتب ومصروف جيب ومواصلات للأولاد طبعا السرفيس لي أنا بس مو للأولاد ، وشوف بقا الغاز والخبز والزيت واللبنة والجبنة ! دويخة .
اليوم لأول مرة بحس بدفا لذيذ ، وبلا منيه وممكن يشارك فيه أفقر فقير وأسوأ مهجر ، يعني حسيت باحساس المشردين وكيف عم يتمتعوا بالشمس نيالون .
تفتقت جروحاتي ، إي والله نيالون ، في حدا حاسس فيهون ، بس انا مين حاسس فيي ؟ صباطي بيفوت مي وملابسي صغروا عليي من قلة الدسم وكترة النشويات . بقيان على بنطلون واحد . اذا بلشت بالعد مارح أخلص اليوم . بس كل هاد مقبول قدام عيون الحاسدين والطامعين واللي عم يقولوا الله بيعلم من وين بيجيب !