عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رد: يوميات لقمان في حمص
اقتباس:
المشاركة الأصلية كتبت بواسطة لقماان
الآن اطلاق نار كثيف كثيف كثيف جدا في مدينة حمص ....بالفعل يلي استحوا ماتوا....
|
اقتباس:
المشاركة الأصلية كتبت بواسطة لقماان
.................يتبع...........
|
ناطر تصير الساعة 12 و متمني انو احساسي يخذلني
متمني ما اسمع صوت رصاص ...
مو رصاص المعارك ...متمني رصاص الفرح انو ما يتؤس بهالسنة الكئيبة ....
صارت الساعة 12 يا جماعة مو معؤول ...
و الله مو معؤول ...ما كنت متوقع انو قلة الذوء توصل لهالمرحلة ...
و الله ما كنت متوقع انو شوف حدن عميحتفل بعيد راس السنة .....
من كام نهار صار اطلاق نار كثيف آم طلع سوريا فازت على العراق بغرب آسيا....
ادايئت وئتا بس والله
مو أد ما ادايئت اليوم ...
عطاء نوموا تئيل شوي وئت بيتأخر بالسهرة و من شوية نام بس حكيم اخطيطوا فاء من النوم و هو عميرجف يا ألبي عليه صار مزروع عندو باللاشعور صوت الرصاص و توابعوا .....
حاولنا نهدء من خوفوا لحكيم و انا عمفكر
انو هاد يلي عميحتفل بعيد راس السنة باطلاق النار شو معدنوا و من شو مصنوع ...يعني هيك انسان متل حكاية الانسان ...
معؤول لهالدرجة مافي احساس ...
و بالأخص بمناطق التماس بين أحياء الموالاة و المعارضة ...طيب هاد يلي عميحتفل ما آل لحالو هون بالشارع التاني كلون مشردين و مهجرين و نازحين ...و آمنا بالله يا جماعة
انو هدول العصابات المسلحة هي يلي هيك ساوت فيون ....طيب ما منراعي شعورون..
طيب ...ما شعر بشعور حدن ميتلوا حدن .......
بلا هدول كلون..........
انتوا ياهالقلة الرزيلة الرزيلة يلي موجودين بشوارع الموالاة ........
ما لازم تشعروا بشعور أهل حارتكون أهالي العساكر و الضباط يلي ماتوا ......يا جماعة ...تفرجوا يمينكون و يساركون ..شادر عزا بينئام و شادر عزا بينحط ....
كيف هيك اجاكون ألب تحتفلوا و تؤوسوا و الله ارتفع ضغطي لحتى تؤولوا حاج ....
و هاد الاطلاق كلوا من حواير الموالاة هنيك في سلاح ناري أما بالحواير البائية يلي عايشة فيها الناس يا دوب فيها سكين لترم البندورة و البصل ......
لاء و كمل النئل بالزعرور على أولة المثل ..
طلعلوا كام شب دايخ آخد حبوب مدري سكران و معون دربكة على تمثال الرئيس حافظ الأسد و صاروا يدقوا قدامو و يرقصوا و يهتفوا باسموا .....
ردت عليون قلة قليلة من أرزال الحواير التانية بالسباب و الشتائم بدون ضوابط
من على أسطح البنايات ......
لحتى رجع صار في اطلاق نار كثيف بس هالمرة مو احتفال براس السنة ....
هالمرة صوت الرصاص..........
خررس أرزال الحواير التانية.....
و اختفت كل الأصوات يلي كانت عمتطلع من الحواير التانية ....و ضل صوت بعض أرزال حواير الموالاة و الدربكة تبعون ...
يا جماعة وين الجيش .....مو اسموا ارهاب هاد ...ما ارهبونا و ارهبوا الولاد ....
وين وزير الداخلية و بلاغاتوا انو ممنوع اطلاق النارابتهاجا بالأعياد ...
خيو معليش خليون يؤوسوا ابتهاجا بالهوا ..
بس بلكي وزير الداخلية بيئدر يطالع شي قانون و يئدر يطبؤوا و يؤول فيو ممنوع اطلاق السوريين النار على بعضهم ...
مسموح اطلاق النار في الهواء ابتهاجا فقط...
بهالحالة ما حدن راح يؤول وينوا وزير الداخلية
وينو يا ترى بالشام و لا ببيروت و لا بالتابوت....
__________________
أبو حكيم الدين
التعديل الأخير تم بواسطة لقماان ; 01-01-2013 الساعة 02:27 AM