رد: سعر صرف الليرة مقابل الدولار 14-11-2012 في السوق السوداء
اقتباس:
المشاركة الأصلية كتبت بواسطة mak
أخي برأيك من هو المحتاج للدولار في مثل هذه الأزمة؟...هل هو التاجر صاحب الملايين و المليارات أم المواطن يللي تحويشة عمر يمكن تطلع بضع آلاف من الدولارات؟.....برأيي أن هؤلاء البسطاء هم احق بالحفاظ على مبالغهم البسيطة بأي شكل يريدون و من اسهلها حاليا هو الدولار....طبعا قصة العشرة آلاف كل شهر مو لهدول الناس ..و ضلت شغالة فترة منيحة لحتى الجماعة اصحاب القرار دبروا حالون ....بس ألف دولار بالسنة هي أقل ما يمكن لهؤلاء الناس....طبعا في ناس رح تستغل القرار و أي قرار مشابه ...اذا في ناس استغلت وجود المهجرين و رفعوا الاجارات لاسعار خيالية ر ح يوفروا هيك فرصة؟.....المشكلة الاساسية عندنا هي الكذب الصريح و عدم الاعتراف بوجود مشكلة ...و ايضا ان اي حلول يتم طرحها يجب ان تكون لمصلحة فئة معينة من الأثرياء و ما حدا سائل لا عن وطن ولا شعب....الله يخلصنا على خير و سلامة
|
يا سيدي هي المشكلة بأصحاب الألف دولار لأنهم مع الموجة بالطلوع خسرانين وبالنزول خسرانين والمركزي عم يممول حاله من جيبهم بدل أن يمولهم
المركزي صانع سياسة مالية تستلزم عليه بهي الفترة يمول الحاجات الأساسية وفقط الأساسية وبحال نزلت أسعار السلع الأساسية هي أكبر حفاظ لحقوق أصحاب الألف دولار بدل التلاعب والحفظ الوهمي بقرارات لا تسمن ولا تغني من جوع إلا لمشرعيها