رد: سعر صرف الليرة السورية مقابل الدولار ليوم الأربعاء 17/10/2012 في السوق السوداء
ياشباب المنتدى الأكارم القديمين والجدد الرجاء التحلي بالصبر وطولت البال والتأني وأهم شي الروح الرياضية أيضاً
أنا أخ إلكن إنشاء الله يلي عم شوفو من فترة شوية مشاحنات بين الأعضاء وسببه إختلاف الأراء
طبعاً إختلاف الأراء كتيير شيء جميل وشيء بناء ومفيد لكل الأفراد لأنو مو معقول يكون الكل بيفكر بنفس الطريقة
المهم مشان ماياخد المنتدى طابع سياسي أو طابع عدواني بين أعضائه الرجاء ما حدا يوجه أي تهمه لأي أحد
يعني أنا ماعم قول هالحكي دفاعاً عن أخونا إبراهيم الطاهر بس شو هي يعني عم تقولو شبيح إقتصادي أو إنو مدسوس دس بالمنتدى عفواً منكن عيب هالحكي
الأخ طاهر إلو أفكارو وأرائه الخاصة رغم إني بختلف معو أنا كمان بكتيير نقاط بس مو يعني بعلن الحرب عليه
وهو كمان ماعم يقصر بالحكي كمان عالشباب
بعدين يلي ما بيأخطأ بحياتو ما بيتعلم لازم نأخطئ ونصحح لبعض مشان نتعلم من خبرات بعض بس مو نهين بعض
وشيء جميل إنو طاهر عم يعبر يلي بداخلو عالأقل يلي ما عجبو الحكي مايرد ويقلبها حلقة الإتجاه المعاكس مع فيصل قاسم
يعني المنتدى ويكلكس بيحيكي عنو وبياخد من عنا مقالات وتصريحات وأخبار عن البلد
نحن بنينا سمعة طيبة مابدنا مؤشر سمعة المنتدى يبلش يهبط
بعدين كل هالشي يلي عم يصيير عنا بسورية ولسا ما تعلمنا كيف نتقبل أراء بعض وكيف نحب بعض ونوقف جنب بعض ونحمي بعض وطول ما نحن هيك بحياتها الأزمة مارح تخلص
أنا أسف إذا طولت عليكن بس والله من حرقت قلبي من يلي عم يصيير وأنا أخوكن الصغير فتقبلو الحكي تبعي بصدر رحب وما حدا يعتبر هالحكي شخصي إلو أنا عم إحكي بشكل عام
بدي قلكن معاً نبني نهضة بلادنا إنشاء الله
وشكراً