عضوية مميزة
تاريخ التسجيل: Dec 2010
الدولة: سوريا /حمص
المشاركات: 5,510
شكراً: 18,885
تم شكره 22,038 مرة في 4,797 مشاركة
رد: صالون سيرياستوكس ليومي الخميس 11 والجمعة 12-10-2012
خاص غسان... على ذكر الشتاء...
عندما كنت مراهقا معتدا بنفسي و تأخذني ...العزة بالاثم .....هيك متل أهل حارة الضبع ....
المهم أكلت بهدلة من الحجي والدي و للأمانة ما عاد أتذكر مشان شو................
المهم صعبت علي نفسي أدام اخواتي .....و ألتلوا يا أبوي اذا تاني مرة هيك بدك تعيط علي راح اتركلك البيت و امشي ......
آم الوالد قطع علي الطريق و أللي اي طلاع من بيتي ...هيك( دجني تدجك العافية)....
يحرء شيطانوا .....
مو انو بيؤول طلاع على الدرج ...أو طلاع على السطح ......فرد مرة طلاع برات البيت
و محسوبكون شخر و زمجر و زأر...متل ....
متل معتز بباب الحارة .....
و طلعت ركيض من البيت ...
فتحت باب الشارع آم لفحتني نسمة باردة من شدة برودتها و قسوتها تؤول جاية تازة و بالتعاون بين القطب الجنوبي و القطب الشمالي لشدة برودتها......
تفرجت هيك ....الدنيا عمتتلج .....
حملت حالي و أنا عمنفخ ...و رجعت على البيت بسرعة و على أوضة أبوي ....
التلوا ...وين بدي اطلع بهالتلج ؟؟؟اي ما ني طالع ...
آم الوالد ...ما استطاع يحافظ على عبوس وجهه الذي كان يقتضيه الموقف و أخذ بالضحك .........
..................................................
جاء الشتاء و يا للقسوة التي سيحملها معه للناس......
__________________
أبو حكيم الدين