عضو مشارك
تاريخ التسجيل: Feb 2011
المشاركات: 270
شكراً: 2,742
تم شكره 1,130 مرة في 227 مشاركة
رد: صالون سيرياستوكس ليومي السبت 22 والأحد 23-9-2012
حابب احكيلكون قصة صارت معي من شي 5 أو ست أيام
أكيد كلكون سمعتو بالشباب التلاتة يلي توفوا أو استشهدوا من صيدنايا من شي 3 أيام
من بين هالشباب واحد اسمه مروان يعقوب الله يرحمه
هو صاحب مكتب تأمين بساحة جورج خوري و جارنا بمحلنا وأنا بأمن سيارتي عنده
من شي 10 سنين .
من كم يوم اتصلت البنت يلي بالمكتب عنده لتذكرني أنو موعد التأمينبينتهي 24/9
منشان تجدد لي العقد متل كل سنة, فاعتذرت منها وقلتلها أنو ما رح جدد,
سألتني ليش. قلتلها والله مسافر بعد كم يوم , سألتني لوين وقلتلها,
وأنا سامع صوته عم يقلها شو هربان . ورددت نفس الكلمة شو هربان , شو بكون خايفين
شو صاير بالدنيا ليكنا قاعدين و عم نشتغل و ما أحلانا, بعدين قالت لي الله ييسر لك.
تاني يوم سمعنا شو صار مع هالشباب التلاتة الله يرحمهون .
مع العلم أنو مروان انخطف ابنه من كم شهر و دقع مبلغ موقليل حتى استرجعوا عايش.
ما بعرف أنا الغلط اما مروان . هل هوي دفع ضريبة تمسكه ببلده و ايمانه فيها.
هل ياترى رح تنفع ابنه لقب ابن الشهيد و رح تعوضه حرمان وجود ابوه بجنبه .
هل يا ترى اذا الواحد حاول يجنب أولاده وعيلته هذا الكاس المر و المحتمل بكل لحظة
بيكون جبان وأناني ؟؟؟؟؟؟
الله يرحم روحك يا مروان