رد: طريقة حساب سعر غرام الذهب عيار (21)
هلأ أنا مابدي أنزع الفيلم, بس الشباب الفهيمة يللي بتطلع نشرة الذهب (جمعية الصاغة أو مابعرف شو) أذكى من هيك وحساباتها بتفرق "شوي" عن حساباتكون "البريئة":
سعر الكيلوغرام ذهب بالسوري عيار 24=سعر الأونصة بالدولار*سعر الدولار*32.151
هلأ ماشي الحال النسبة 32.151 لازم تكون 32.15074 بس عادي الفرق كتير صغير ومابينحكى فيه (مو بيناتنا).
سعر غرام الذهب عيار 21 بالسوري= سعر الكيلوغرام ذهب بالسوري عيار 24/1137.2
هون مو ماشي الحال (معي عالأقل). النسبة 1137.2 لازم تكون 1142.85 
وبالتالي سعر غرام الذهب عيار 21 (سعر الأونصة 1772$ وسعر الدولار 72ل.س) المفروض يطلع على حساباتهون 3607ل.س (أغلى بـِ20ل.س لكل غرام عن طريقة الحساب العادية "البريئة", وفوق هاد بيطالبوك بأجرة الصياغة).
حابب قول أنو حتى هالطريقة الحساب "السحرية" الشباب مو دائماً بيلتزموا فيها. التزامهم الأساسي هو مصلحة الصياغ. إذا الناس راكضة وعم تبيع فسعر الذهب بالنشرة بيكون ألطف شوي (ولاحظنا هالشي مؤخراً), أما إذا الناس عم تشتري فوقتها بيستخدموا الطريقة السحرية العجيبة.
هادا يللي بيسموه Adaptation 