iass

بالنسبة للدول الأوربية. مافي شي اسمو هجرة بالنسبة للسوريين. في حالات معينة من الممكن إعطاء إقامة سنوية. تتجدد تلقائيا بشروط معينة. الحالات المعينة هي:
1- الزواج
2- عقد عمل
3- استثمار بمبلغ معين
4- قبول طلب لجوء سياسي أو إنساني
5- فيزة طالب
غير هيك. لا يوجد غير طلبات الشنغن. وهي طلبات زيارة بغير قصد العمل. بتروح لهنيك وبتحرق باسبورك وبتصير تشتغل بالأسود. بتحاول تصلح وضعك هنيك عن طريق الزواج. أو الحصول على عمل بطريقة شرعية. تكسب ورقة يانصيب. أو انتظار عفو بيصير كل خمس لعشر سنوات بتخليك تطلع من حالة الأسود.
حاليا كل الدول الأوربية بما فيها المملكة المتحدة. لا تعطي أي فيزا لأي سوري. إلا بحالات خاصة ونادرة. والجواب يلي رح تحصل عليه بعد ما تقدم عالفيزا هو ( لا يوجد أي ضمانات كافية تؤكد بأنك سترجع إلى بلدك بعد انتهاء مدة الفيزا) . هلق. أنا كل الدول يلي حطيتهن هنن الدول يلي ما بدها فيزا. لأنو كل الدول يلي عم تطلب فيزا من أندونيسيا وكينيا وغانا وأنت رايح. توقفت عن قبول طلبات السوريين إلا بحالات خاصة. لوقف تدفق اللاجئين. هي الحالة نفسها صارت مع العراقيين وقت الغزو. والفرق أنو تركيا بعدها مفتوحة للسوريين. في حين كانت تركيا مغلقة عالعراق.