رد: صالون سيريا ستوكس ليومي السبت و الأحد 28&29 -7-2012
اقتباس:
المشاركة الأصلية كتبت بواسطة لقماان
يا عيوني يا أبو النور
أنا بدي أعدكون ...
لي أنا ملائي محل أؤعد فيو أنا ..
لسا لحتى أعدكون انتو ...
لاء ووين كمان على الطاولة المستديرة..
صدئني يا أبو النور مافي عندي طاولة ...
و لو كان في ما بتغلا عليكون .....
خيو انتوا دبروا حالكون وأؤعدوا وين ما كان
لحتى رب العالمين يفرجا و أعرف وين بدي أؤعد أنا كمان..................
|
والله ابو حكيم احلى رد على الطاولة المستديرة
الناس بالشوارع وقال بدنا طاولة مستديرة ... طيب مو لحتى يكون في بيت ومأوى وسكن وامان للناس بعدين منفكر بالطاولة "المدورة" ؟؟
ذكرتني وقت انتخابات الدستور (يلي ما تطبق منو شي) على انتخبو ومشان الله ومشان البلد ومشان التغيير ...... وعندك ( حمص ودرعا وحماه ) هدول مالون طعمة مو سوريين ( مو طلعوا خونة ) ؟؟؟؟
ونفس الشي وقت مجلس الشعب .... انتخبوا مشان البلد .... وفي عندك بالشام وحدها أكثر من الف عائلة حمصية مشردة في شوارعها وبابا عمرو دخلها التلفزيون السوري وفرجنا الدمار والخراب يلي عملتو العصابات المسحلة .... طيب والله منتتخب بس مو لتأمنو الناس يلي بالشارع اولاً وبعدين منفكر بالشي الثانوي عن تأمين الحياة يلي هو بالمقدمة ؟؟
ولـــــــــــي على آمتي عليكون .... شوفو لوين وصلتونا كرمال ميــــــــــــــــــــــــن ؟؟؟؟ كرمال الوطن ؟؟؟ شو بقي من الوطن يا وطني ؟؟؟؟ مو المهم المهم هو يبقى ......