mak

والله انا عندي نفس الحالة بأنني ما كنت بدي رد ...بس هيك تعليق يجبرني انو رد....من جهتي ما بحب أحكي بالطائفية و لا جيب سيرتها ...بس من الغباء أن ندفن رأسنا بالرمال و عدم الحديث عن المشكلة يعقدها و لا يحلها....يا سيدي هي مؤامرة ضد طائفة واحدة متل ما قلت و هي ضد الطائفة السنية .....يعني اذا بدك تحكي من أي وجهة نظر فهي أغلبية مضطهدة....بالعادة تكون الأغلبية مضطهدة الأقلية بس طبعا عنا هون بسوريا غير....و حتى هي اللحظة في كتير ناس لسا عم تلجأ لعقلها و تتجنب الانجرار وراء العاطفة و الغضب لقتل الأبرياء و المدنيين (و غالبيتهم من الطائفة السنية و عم أكد عليها لأنو هيك تعليقك بدو) بس اذا استمرت السلطة (اي السلطة ومو أي حدا تاني) بمحاولة اشعال هذه النار للأسف رح تشعل و تحرق الكل (بس يمكن هاد يللي بدون ياه) ....و الحل يا حبيبي مو بيد الأغلبية يللي عما تطالب بحقوقها بس بيد الأقلية المغتصبة لهذه الحقوق....و أيضا بيد من يساندها من جهة طائفية فقط بدون أن ينظر و يرى الحقيقة و حجته الخوف من الطائفية!!...خوف من الطائفية يجعله يتسلح بمساعدة الدولة ...و يقتل و يعتدي بغطاء من الدولة ....و يشبح و ياخد اجرته من الدولة ....ولسا بتقلي طائفية

أما من جهة المؤامرة فهي ضد الشعب السوري ليكون بأضعف حال عند انتصاره الأكيد على الظلم و البغي......و طبعا أمريكا و اسرائيل ما رح يروحو هيك فرصة و يستغلوها أسوأ استغلال لتحقيق مصالحهم و خاق عدو جديد لسوريا بدل اسرائيل و هو ايران .....بس يللي بأيدو يفشل هالخطة هي أيران مو الشعب السوري.....يعني اذا بتتصرف كعدو للشعب فهي ستكون عدو واذا بتتصرف كصديق فالشعب السوري الى فترة قريبة جدا كان ينظر الى ايران و روسيا كأصدقاء قبل أن تسقط الأقنعة


و أنا متأكد انك متل ما كتبت تعليقك رح تقرآ الرد عليه .....و أرجو أن تقرأه بعقلك و قلبك و بدون الأفكار المسبقة عن مؤامرة كونية و حرق ما تمونه ارهابيين و من يدعمهم و يؤويهم ...لأنوهدول مو ارهابيين هدول أهلنا و أهل أهلنا و يدافعون عن شرف السوريين و ليس عن شخص أو طائفة كما يفعل ما تسميه الجيش البطل ...و تمنيت لو يكون فعلا جيشا بطلا و يدافع عن الشعب السوري ....جميع الشعب السوري

حمى الله سوريا ومن أراد بهل خيرا ...و انتقم من القتلة و المجرمين من أي طائفة أو ملة كانو