مشرفة
تاريخ التسجيل: Dec 2010
المشاركات: 8,727
شكراً: 38,651
تم شكره 41,326 مرة في 8,578 مشاركة
رد: صالون سيريا ستوكس ليومي السبت و الأحد 7&8 - 7 - 2012
ليالى الحلمية
.. ومنين بييجى الشجن؟!
- من اختلاف الزمن.
.. ومنين بييجى الهوا؟!
... - من ائتلاف الهوى.
.. ومنين بييجى السواد؟!
- من الطمع.. والعناد.
.. ومنين بييجى الرضا؟!
- من الإيمان بالقضا.
***
من انكسار الروح فى دوح الوطن
ييجى احتضار الشوق فى سجن البدن
ومن اختمار الحلم ييجى النهار
ويعود غريب الدار لأهل وسكن.
***
ليه زمان ما سبتناش أبريا؟!
وواخدنا ليه فى طريق مامنوش رجوع؟!
أقسى همومنا.. يفجر السخرية!
وأصفى ضحكة تتوه فى بحر الدموع!
(2)
.. ولفين ياخدنا الأنين؟!
- لليالى مالهاش عينين!
.. ولفين ياخدنا الحنين؟!
- لواحة الحيرانين!
***
ما تسرسبيش يا سنينّا من بين إيدينا
وما تنتهيش.. داحنا يا دوب ابتدينا
واللى له أول.. بكره ح يبان له آخر
وبكرة تفرج مهما ضاقت علينا.
***
لابد من بكره اللى طال انتظاره
ده مهما طال الليل بيطلع نهاره
ومهما طال درب الهموم المساخر
لابد ما يعود المسافر لداره.
سيد حجاب
__________________
قال رسول الله صلى الله عليه وسلم:"قال ربك جل وعز:
وعزتي وجلالي لأنتقمن من الظالم في عاجله وآجله ولأنتقمن ممن رأى مظلوماً فقدر أن ينصره فلم يفعل"
أولاً يتجاهلونك , ثم يسخرون منك , ثم يقاتلونك , ثم تفوز أنت .
المهاتما غاندي
وفي النهاية لن نتذكر فقط كلمات اعدائنا بل أيضاً صمت اصدقائنا .
مارتن لوثر كنج