رد: ما هو سبب تمسكي بالمنتدى
اقتباس:
المشاركة الأصلية كتبت بواسطة f.fatina
أنا مثلاً شو معلقني بالمنتدى رح قلك
أول شي أنا عم حس حالي عم احكي مع نخبة من شباب وصبايا هالبلد
مستوى الحوار عم يكون راقي جدا
ولما بكتب مشاركة حلوة وبينحطلي شي 10 شكر ماتتخيلو قديش بنبسط
يعني هون العلاقات مو مادية
أنا بكفيني كبسة شكر لحتى حس حالي ملكت الكون
طبعاً كمان أخونا رامي مخلي الجو بالمنتدى جو حميم جداً (مشكور جدا، وبالمناسبة الحمدلله عالسلامة عم قول ليش الشام منورة كتييييييير هالكم يوم)
يعني في ناس هون بالمنتدى عم تحسسني بأهميتي كشخص وكمواطن
في ناس عم تسأل عني إذا غبت، عم تخاف علي إذا تأخرت أو إذا صار شي بالمنطقة لي ساكنة فيها
وفي سبب كمان كبييييييييير لتعلقي بالمنتدى هو أن عم يجمع المؤيد والمعارض ببلدنا بمكان واحد
عم نحترم بعضنا وماعم نجرح بعضنا ولا عم نأذي بعض
عم نقرا الأخبار كلها من جميع المصادر المؤيدة ولا المعارضة
عم نرتقي سوى لنوصل لفكرة سوريا الأجمل وباقي الخلافات إنشالله عارضة بيناتنا
عنجد هالمنتدى متل العيلة الكبيرة
مشان هيك سميتكن عيلتي الإفتراضية
يلا حاجتي لعي طولت عليكن 
|
شو هالكلام يلي طالع من القلب ؟
بس على فكرة يمكن كلامك هو اختصار لكل شي بقلب كل حدا معنا
وفعلا كلامك عن الجمع بين الافكار المختلفة هو يلي مخليني افرح اكتر بالمكان
وبزعل وقت طرف يغيب وقت يحس حالو انو غير مسموع او رايه غير مرغوب فيه ....
بتذكر مرة باحد الصالونات ذكرت بعد الشكر ::
ان هذا المكان هو المكان الوحيدة بسوريا يلي جامع بين كل التوجهات بالاطياف السورية !!!!
اكيد رح تفكروني عم بالغ بس تعالوا نقارن .؟!
اذا فتحنا الفضائيات فرح نلاقي القنوات السورية الحكومية وشبه الخاصة تجمع رأي واحد وقطب واحد وتتنكر للطرف الثاني وليس له مكان عندها "كرأي" .
واذا بحثنا في قنوات الرأي الآخر "المعارض" فلن نجد مكان للرأي الأول اطلاقاً .
واذا فتحنا النت ولجأنا الى الفيس بوك فسوف نجد صفحات لمؤيدين وصفحات لمعارضين ، وغروبات لكل طرف ولا يقبل كل غروب وجد عضو من الرأي الآخر وربما يخونه او يهينه حتى ينحسب او يتم حظره .
وكذلك بقية المواقع فهي اما ان تكون موجهة لطرف كونها تابعة لصاحب نفوذ
او انها صممت لتكون لطرف آخر ....
بينما سوف نجد سيريا ستوكس منبراً منفرداً يجمع الجميع ، والجميل انه يجمعهم في العالم الافتراضي وعلى ارض الواقع ولا يجمع بينهم الا ( السورينة ) كلمة بمعنى انهم سورين وسوريا تجمعهم ... ولا يتم رفض احد الا المتطرف ومن يوافق على "القتل" عندها يكون منبوذاً من الجميع .
وانا افتخر اني موجود بهذا المكان واحزن عندما اجد اي شخص شعر بانه غير مسموع ومتأكد بأنه احساس مؤقت ربما يصيب النفس لوقت محدد نتيجة غضب او عصبية ولكن النفوس تعود من جديد .....
وبالامس كنا مجتمعين في احد الاماكن فقوانا الخلاف في الاسلوب والتطبيق وجمعنا رفض التطرف .
شايف اني حكيت اكتر منك حاجة لهون