عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة
رد: صالون سيرياستوكس ليومي الخميس 14واالجمعة 15- 6-2012
صباح الخير
ما بعرف، قول يا محاسن الصدف مثلا ؟
من فترة بدأت القنوات بالانحسار من شاشتي وبما أني بقفص لحالي وما معي شركاء يغردوا معي بالدش ، فما بعرف شو اللي صاير دائما لبعد فترة ، متل اللي وعي عالحياة ببيت كلو مجاديب ، بيصير بيفكر كل الناس هيك .
المهم طلع معي بعد طول انتظار، انو لازم عيد التوليف من أصلو . وظهرت أقنية شي بطعمة وشي بلا طعمة ، وطلعت محطة جديدة قريت اسمها بسرعة شي متل مؤيدين أو نحوه ، وكان مضمونها بيوافق اسمها فما دققت .
الناس كلهم عم يحكو هلأ عن محطة بن جدو (شو قصدهم ؟ يعني مو ابن أبوه !؟) وبعدين قال اسمها الميادين ، أنا والله ما لقيتها .
البارحة نزل علي كشف العارفين ، وانتبهت انو مو المؤيدين اسمها هديك القناة ! طلعت هاي هيه الميادين ، مع اني لو انتبهت للأسم بوقتها كنت افتكرتها عراقية أو نحوه .
طبعا ما بيستفيدوا منها شي لأنها تعجب من يظن انها منافسة وستتمخض عنها آثار ايجابية . متل اللي عم يغني بالحمام وعم يرجع عليه الصدى وحاسس بالطرب من انعكاس القيشاني اللي عامل توزيع ، وهو من أصلو نص أطرش بقلب المي والصابون على اذنيه ، بس هومفكر كل اللي برا هيك سامعين ومبسوطين .
طيب انا مفتري حقيقة، موكذب، ولاذع، وبصطاد بالمي العكر ، وفيني علل الدنيا . مع اني بكل صدق كنت متمني شوف قناة معقولة افهم كيف عم يفكروا ! يا أخي انتو احكموا :
الأخبار مشكلة ومنوعة وموجهة على كل شي بيسود الوش بأنحاء العالم من تحت لتحت ،أما الخبر اللي محى المصداقية بالكامل ، كان عن مظاهرات الأردن . وكاتبين على الشريط ، شوفوها !
مظاهرات ضد ارتفاع اسعار المحروقات التي يستعملها الفقراء !
يعني الأغنياء بيستعملوا وقود نووي ؟ 
انحرقت القناة ، وأنا حبري اسود .
ما بعرف برأيكم بيكفي ولا اسمع وفند خبر خبر لحتى اقدر كون قناعة ؟
انتهى .