iass

مزبوط أخت سلام. أنا بعرف قديش الموظفين الحكوميين بيشتغلو. بيشتغلو كتير. واكتر من القطاع الخاص. والحقيقة الموظف الحكومي بيصير عندو خبرة كبيرة لأنو بيشتغل بكميات كبيرة. ونص موظفين القطاع الخاص شغلهن ما بيطلع قد ربع شغل موظفين القطاع العام. بس ظروف موظفين القطاع الخاص قاسية. يعني الواحد بدو يتحمل أمراض نفسية أشنع بكتير من الأمراض النفسية يلي بيعاني منها الموظف بالقطاع العام. ومتل ما أنو الإدارة بالقطاع العام بتروح ليلي عندو ولاء وبيدبك أكتر. كمان نفس الشي بالقطاع الخاص. بس الفرق أنو المدير بالقطاع الخاص لازم يكون عندو ولاء لرب العمل وبيرقص تيكنو وشرقي وجيرك وتانغو وفالس ودبكة مودرن. مو بس دبكة عالحل.
القطاع العام مليء بكتير من الموظفين المخلصين بعملهن. وإذا كان في عشرة بالمية من الموظفين ما بيشتغلو. فمو معناها أنو موظفين الحكوميين ما بيشتغلو. المشكلة بإدارة المؤسسات الحكومية. وقانون العاملين الموحد التحفة. يلي شو ما اشتغل الموظف إضافي. فما بيطلعلو غير ألف ورقة حلال زلال مكافأة. على ألا تتجاوز المكافآت 5% من قيمة راتبو سنويا.