رد: سعر صرف الليرة مقابل الدولار 20-5-2012 وحتى 31-5-2012
اقتباس:
المشاركة الأصلية كتبت بواسطة مجرد إنسان
والله يا أخي أبو هيثم : فيك تعمل اختبارات مشان التعشيش ومتانة الاعمدة ..حتى ببناء يكون إلك وانت مساويه .. جيب كمبريصة وسط من الصينية وحطا على هالعمود ، يا بيفرط يا بيضل متل الرصاص
مرة كان في مهندس استلام يستلم منا عمل هيك بكذا عمود شك بمتانتن ..وفي عمودين فرطوا ههههههه
وبما إنك مهندس : فالبركة بمواد إصلاح الاسمنت (نسيت اسما ههههه) بتخبي التعشيش وبتقوي متانة الشكل الخارجي ، بعدين بالهندسة وحسب علمي : توزيع حديد التسليح ممكن يكون غلط ومو بس المهم الوزن ، والموضوع فيه تشعبات كتيرة ، ومو كل مهندس أخد الشهادة بيقدر يهندس فعلا
أنا شفت مهندسين ما بيعرفوا قديش ممكن يضغط بواري المي الحلوة لفحص التنفيس.
مع انو كانوا يحكولنا عن طرق لزيادة متانة التربة واستصلاح المناطق الصحراوية لتصبح قابلة للبناء
وشفت مهندسين عمارة بحطوا طبقة طينة فوق طبقة طينة تانية وبدون ما يحطوا فايبر وبدون ما يعطوا السماكة قيمة وبحطوا طبقة جديدة فوق الناعمة القديمة بدون تنكيش وبعدين نلاقي الحيطان عم تشقق ..
وفي مهندسين ميكانيك ما بيعرفوا شو هي الدكتات ولا شلون الفحص بدو يكون ..
وفي مهندسين كانوا خبرة بالخليج : بيجو هون وما بيعرفوا يقولوا لأ لطلب مستحيل من المالك (حتى أن أحدهم طمر بوري ماء مفتوح من أجل الردم فورا والحمد لله صار في بالصحراء نبعة )تلبية للتعليمات .
وفي مهندسين : بيعملوا خزان أرضي مساحة 100 م2 بدون ما يحطولوا درج للنزول ..
وفي مهندسين كهرباء ما بيعرفوا يفحصوا لوحة رئيسية طلبوها بمواصفاتها ويخشون عندما تطلب موافقتهم عليها ..
وفي ناس ما بتستعمل رجاج وفيه وفيه شو ما بدك
تذكرت اسم المادة : كونريب على ما اذكر (يمكن معناها كونكريت ريبيرر)
ايـــــــه ، في بكل مصلحة ناس فنانين فعلا والله يجمعنا بهالناس
ولكن المهندسين هم أكثر الناس المؤهلين لقيادة الشعوب والمراكز العامة
فتحية للمهندسين الفهمانين متلكن
|
شكرا اخي ابو سفيان على مداخلتك
بحب اضيف عليها
اذا كنت انا عامل المبنى اومتابعه ما في داعي للكومبريسا والاختبارات
واذا كان المتعهد مخبص فمارح يخليني اعمل هيك اختبار (بيقلعني وبيقللي بطلنا نبيع خالي)
وبالنسبة لمواد الترميم ما ممكن ترمم سرقة حديد التسليح ولا بترمم عدم وجود اساسات
واذا كانو المهندسين ممكن يقعوا بكل هالاخطاء(يللي ذكرتها حضرتك)
فما بالك بعمال اكتسبوا خبرتهم عن طريق النظر ونقل اسلوب عمل من قبلهم بما فيه من عيوب واخطاء............
الخلاصة:
التاجر يللي بيعمر مخالف غالبا مابتهمه سمعته وانو شغله كويس او لا
الاهم عنده تخفيف المصاريف ولو على حساب سلامة البناء
اما يللي بيعمر ليسكن هو وعيلته فهاد شغل بيتوتي واكيد رح يخاف على روحه ويعمر منيح
والمباني العالية خطورتها اكبر بكتير (اربع طوابق وفوق)
انا بالنسبة الي ما بفضل المخالف وعلى فكرة فرق السعر بين الاتنين بحلب مو كبير 30%باحسن الاحوال...(ضمن نفس المنطقة والمواصفات طبعا)