رد: صالون سيريا ستوكس ليومي الخميس والجمعة 17 و18-5-2012
اقتباس:
المشاركة الأصلية كتبت بواسطة نضال العلي
مشكور عزيزي أكسبرت
المشكلة عندي إني بخاف من الماركات الغير معروفة و غير المجربة
مواصفات حلوة و مقبولة و لكن مع التجريب ممكن مثلاً البطارية ما تشتغل لأكثر من ساعة.
بعدين المودم الخارجي حقو حوالي 2000 ل.س و الكاميرا ......
يعني لو بعرف حدا جربو لمدة شهر ممكن الواحد يتأكد من جودته
أما أن أدفع ثمنه و بعد يومين أضعه في الدرج فهي خسارة.
وجدت في السوق هنا في البحصة بدمشق أكثر من عشرة موديلات صينية الصنع لهكذا أجهزة و ثمنها من 6000 الى 16000 ل.س و لكن من غير تجريب لا أضمن الجودة.
يعني الغالاكسي تاب 7 بلس وجدته بـ28000 من غير كفالة و بـ31000 بكفالة
و يعمل كهاتف و كميرا و ثري جي مدمج و واي فاي و بالأخير شركة معروفة تحترم ما تكتبه من مواصفات على العلبة.
و إذا اشتريت الجهاز اللي عم تحكي عنه جربو و خبرنا مشكوراً سلفاً للمبادرة.
|
والله صدقت انا كمان عك ادور على واحد اشتراه وجربه
المشكلة انو الكويس مو بس غالي و مو متوفر كمان
متل ما قلت حضرتك (مو متوفر
متل الدولار يعني)
والمشكلة التانية انو الجالاكسي و غيره من الماركات المعروفة عم ياخدوا فوق ثمنها الغالي فرق للكفالة (3000)بحالتك
ولما بتجيبه لعندهم عطلان
بتقع ضمن احد الحالات
1- بيقولولك الكفالة لا تشمل انو الجهاز وقع من ايدك وتعطل
2- الكفالة لا تشمل الاعطال الناتجة عن الكهرباء
3- اذا طلع عطلان نتيجة سوء التصنيع(شبه مستحيل) يعني خلال اسبوع ظهر عطل ما
بياخدوه وبيبعتوه على الصيانة وبتستنى لحتى تتوفر القطع وعيش يا اكسبرت لينبت الحشيش
مع الاسف الكفالات ضحك على اللحى
وثمنقطع غيار الاجهزة متل الجالاكسي غالي جدا اقل عطل 5000ليرة
اما الصيني الجربان بس اتعطل بتكبه وبتنساه
طبعا كلامي منشان الفائدة العامة مو الك اخي نضال لانو باين عليك عندك اطلاع واسع عن الموضوع