رد: صالون سيريا ستوكس ليومي الخميس والجمعة 17 و18-5-2012
اذا ما كنت شامي ( عن حأ وحأيئ ) لا تحاول تئرأ لانو مالح تفهم شي
أول ما جهجه الضو ، اجى يوسف ليشطف البيت، منشان البئ ، سكّر باب الصئاء، شلح الشحاطة منشان ما يجئجئ ، و جرجر الكراسي و شئفة الزريعة ، و تكتك شلون بدو يشطف!!!
بحبش شوي، دندل البربيش و شغل المي عالسطل وسخنا عالنار لبقبقت و بربقت، و كتا بالحوش الجواني بالطاسة لانو ما عندن آظان مي سخنة
و دعك الارض منيح من الزفر لانو دبئة ، فك الكم ليترحرح و شلح اللحشة ، منشان ما تتشحور
و شلفا وراه ، و فشّخ فوق المي ، و دئّر شوي ، و بعدين نط بجعزة ، تفشكل وتزحلط بشوية مي ، و انطبش جواتا ،
طبشة آآآتولية ، و انجرحت ايدو واوا و جعّر آخ يا يامو ، يا يابي ، واجت امو
وبإيدا المئشة و قالتلو ولي عليك ، ليش عبتحركش و تنكّش ، متل الديك ، كنت امسيك الدرابزين ، شو معمي على قلبك و صاير تشتوش بالمرا ، ئعود عالبرطاشة ، و تلقح عالزيق ، و حاج تحوص وتلوص و تفرتّك ، انضرب على آمتك لشووف ،
و جابتلو شئفة شرشوطة و ربطتا ، بعد ما خسلتا بالمي وعصرتا ، و طرطشت تنورتا، و أأأالتلو ئوم انفزر
ولي على آمتك شو نعيان , ناتع هالطول عالفاضي , أاوم من وشي , هزيتللي بدني , وما شطفت البيت , ولا روحت البئ ولي على آمتك ........
تتحورئووا حورئة بس لاتفرطووا
ويلي مابيفهم يخبرني مشان ترجملو ...