عضوية مميزة
تاريخ التسجيل: Apr 2009
المشاركات: 4,860
شكراً: 67,497
تم شكره 35,134 مرة في 4,783 مشاركة

رد: سعر صرف الليرة مقابل الدولار 3-5-2012
اقتباس:
المشاركة الأصلية كتبت بواسطة mero
شباب اللي بيفهموا بموضوع العقارات
انا تحت ايدي بيت ممتاز بحلب بمنطقة جيدة صاحبه طالب فيه سعر زي اسعار قبل 6 شهور
شو رأيكم اشتري؟
طبعا عم آخد رأيكم من ناحية تأثر سوق العقار بوضع الدولار والوضع العام
يعني شو هو الانعكاس على سوق العقار للي عنده فكرة وشلون اتحركت اسعار العقار بالفترة الأخيرة
طبعا اعذروني ممكن حدا يقلي الموضوع ما اله علاقة بالدولار
لكن بنستفيد لنعرف شو الانعكاس على سوق العقار وشلون حركة العقار في المناطق اللي ما فيها حديدة حامية طبعا
|
أنا يا صديقي ممكن أعطيك تحليل مختلف عن السوق ، تاجر العقارات مو فارقة معو ، بدو يطبق البيعة ، بيقول للشاري خود هاللقطة ، وبياخد البياع على جنب وبيقللو بيع يازلمة ما بيسوا بيتك هالقد .
بشكل عام لما بتشتري بيت على سعر السوق قبل انخفاض العملة بتكون ربحت فرق قيمة التصريف ، أحيانا بيطول الزمن ليصير التعديل مثلا :
كان الدولار 50 وصار 70 ، كان في بيت سعرو 5 مليون مثلا ، رح يصير سعرو 7 ملايين عاجلا أم آجلا . ورح تربح الفرق .
بيت كان سعرو 5 ملايين وبسبب الأحداث الساخنة نزل للمليونين رح تربح 3 ملايين وفرق العملة كمان .
طبعا النزول بسبب الأحداث يختلف باختلاف سخونة الحديدة . وبالتالي تبدأ الحكاية من مجرد مضايقة وتتدرج ، غاز مسيل للدموع ، مظاهرت واطلاق نار، قصف خفيف ، قصف مع هدم ودمار شامل . يعني ممكن تشتري بيت وبعدين تلاقي مجرد أرض أو كوم انقاض ! لأ وبدك تكمل هد وترحيل وبعدين تبني ، وهات إذا بتلاقي الجيران لتشتغلوا سوا ، وشوف بقا الورثة ....... ألخ
طبعا الشراء في المناطق الساخنة بخلاف المخاطر المذكورة ، لا بد من عمل دراسة بينك وبين ضميرك ومدى استغلالك لشخص مذبوح ! هل تشتري لحل مشكلته ؟ أم أنك تساهم في اكثار السكاكين عليه ؟!
لا تجعل لرغبة الربح سلطانا عليك يؤرق ضميرك مستقبلا، انت تحلم ببيت فلا تجعل من هذا الحلم عذرا يستحق استغلال ظروف الآخرين . البائع ما بظن كان عندو حلم التشرد .
اشتري بنور الله والله بيطرحلك البركة ، إذا ما توفرت الفرصة المعقولة ، بيكون لسا ما آن الأوان .
تحياتي .