رد: سعر صرف الليرة مقابل الدولار 30-4-2012
احكيلكم شغلة صارت معي اليوم
رحت لعند واحد صاحبنا اليوم
وانا عنده اجاه تلفون......... بعد ما حكا
سالني على موقع النت يللي بحط سعر الدولار
ودليته لهون وفتح الموقع وشاف السعر
بعدها خبر واحد تاني وقله:في جماعةة بدهن يبيعوا كم الف دولار والسعر اليوم كذا (من الموقع)
وبعد شوي اجو الجماعة يللي بدهم يبيعوا وبعتهم على يللي بده يشتري ..... جنبه
بعد ما خلص البيعة
قللي انو هي خدمة للطرفين (وفعلا ما اخد شي بس عرف السعر ووصل الطرفين لبعضهم)
وبن القفلة؟؟؟
القفلة انو بعد كل هاد الشي
بهدلني بهدلة ادبية انو بضيع وقتي بمتابعة البورصة والدولار وقعد يسب على المصاري وقال هو مابيهمه غير اسعار الخبز و البندورة ووووو والباقي ضياع للوقت وانو الواحد لازم يشغل مخه بالبحث عن طريقة يساعد فيها بحل الازمة.....
علما انو هو مرتاح ماديا تمام..... وعم يلاقي مية طريقة لحتى يساعد جيبه يمتلى اكتر
السؤال ليش الناس بتستشرف على بعضها؟
ولو كان مابيتابع الاسعار وما بيهمه الدولار ليش الجماعة يللي عم يبيعوا سالوه اله بالذات على السعر وعلى حدا يشتري منهم.....
لاتواخذونا وجعنا راسكم