رد: صالون سيرياستوكس ليومي السبت و الأحد 21&22 -4- 2012
اقتباس:
المشاركة الأصلية كتبت بواسطة عابر مجيب
عودة قريبة
لم أوصل ربما الفكرة عن نجدت كما أردت وسأقرب الفكرة :
نفتح بعض المنتديات ونجد فيها شخصا أو مجموعة من الأشخاص من أدعياء الدين والناصحين ، مكبوتون يودون الانتقام من الآخرين والتنفيس عما بهم ، بإلباس أنفسهم ثوب التقوى وإلباسنا السلطانية !
يبدأ أحدهم ناصحا فيقول :
ديروا بالكم يا جماعة والله هنالك والعياذ بالله أناس لعنهم الله يفعلون كذا وكذا، ويشبعنا وصفا وتفصيلا عن كل لواعج نفسه ورغباته وشذوذ خلقه وطبعه ، تماما كمن تتعرى رغبة بالاغراء ، كل ذلك وهو ينصحنا وينورنا .
أنا أرى فن السيد نجدت من هذا القبيل . وهو يبالغ ويفند بشطط لشيء نعرفه ونفهمه ويؤثر فينا دون الحاجة للتفصيل الممل المسهب الرخيص والوضيع معا .
لم اتشفي بعد 
تحياتي .
|
الحقيقة أنا نادراً ما تابع مسلسلات سورية والأندر إني إنتبه عالمخرج إلا إذا كان المسلسل يعني خارق بس أكيد سمعانة باسم هالمخرج بس مالي عم اتذكر شي من مسلسلاتو
بس بكل الأحوال أنا لاحظت بالفترة الأخيرة إنو المسلسلات السورية عم تطلع عن الأدب و الأخلاق العامة فكانت تعرض هالشغلات كعيوب بالمجتمع ويعني "من باب التنبيه" وبعدين صارو يمرؤها كأفكار عابرة بدون ما يركزو عليها وما يقولوا صح أو غلط وكمان شوي بيصيرو بيقلولنا هاد كتيييييير عادي ولازم هيك تعملو
أنا ضد هالطرح كلو من أساسو وأنا رأيي إنو زيادة الأخطاء والأمراض الاجتماعية قد يكون أحد أسبابها هالمسلسلات العظيمة لأنو هية عم تفتح جيل فيه كتيير مراهقين وشباب في مرحلة تكوين الشخصية لأشياء وأفكار غير مقبولة
على سبيل المثال لا الحصر لاحظو إنو جيل عن جيل عم يطلع الجديد مفتح أكتر ما شاء الله
وصعب السيطرة عليه أكتر
السيطرة طبعاً قصدي فيها قدرة الوالد على توجيه ابنه بالطريقة المناسبة
وإذا مننزل عالشعلان المسا ما بتشوف غير أطفال "عنجد صغار بعمر الطفولة" معبين الشوارع ويلي عامل Omen فعلا شي بيحزن
